هل انتظره؟؟؟

زاد الاردن الاخباري -

انا بنت عمري 21 سنة الي علاقه بشب من حوالي سنة ونصف تقريباعمرو 33
طبعا ما رح احكي انو علاقتنا قوية وهالكلام لكن مبينيه على التفاهم والاحترام وتعلقنا ببعض كتير وخصوصا انا وبعد ما وصلنا رجعنا الف خطورة طبعا
بعد ما بعت اهلو لعناوالعيلتين تعرفو على بعض انبسطو كتير لكن هوه كان مسافر وبنزل بعد شهرين
خسر شغلو لانو الظروف عندهم صعبه كتير
وتغيرت نفسيتو كتير انا طبعا بعرف انو اوضاعو صارت اسوء من قبل ما يبعت اهلو وما كان عندي مشكلة لانو الماده مو كل شي هوه كان رافض بحكيلي لا يمكن ارتبط فيكي واظلمك بظروفي
ما تحكولي لا تردي عليه
ما ضل وسيلة ولا حكي ولا اي شي ولا عناد الا وعملته عشان اقنعه لكن هوه هيك
لانو حاليا بلا عمل
تخيلو كنا 24 ساعه مع بعض عالتفلون نعرف كل شي عن بعض
من وقتها ما بنحكي الا بالمناسبات الفترة الي خفف فيها الحكي معي ما بقدر اوصفها اديه كان صعبه ودايما كئيبه ومش طايقه حد لاني حسيت الانسان الي اخترته رح يروح مني هوه كتير بحبني ومتعلق فيه حسيته اولها كان يكابر كتير
بس هوه هلا بحلف انو ما بفكر فيه متل اول لانو وضعو مخربط ومش صاحي لاي شي
انا ما زعلت منه
لاني بعرف مكانتي واحترامو الي
هوه بحكيلي ازا اجاكي احسن مني خديه لانو بدي وقت طويل
حكيتلو بستناك حكالي ما بضمن مستقبلي لانو مبين انو بدو وقت ما وافق على رايي اني استناه
حكالي خلينا هلا نضل نطمن على بعض
وازا اجاكي شب احسن مني ارتبطي فيه
هلا انا خايفه ازا ارد عليه اكون ظلمتو للعلم انا عندي استعداد استناه