يا هيك أسعار ولا بلاش .. ويا مرحبا برمضان ؟!

( الحلقة الاولى )
بقلم : حكمت محمود البشير
تغمرنا الفرحة بقدوم شهر الخير والبركة ؛ شهر رمضان الفضيل ؛شهر تعددت فضائله وأكبر هذه الفضائل نزول القرآن الكريم على سيد المرسلين ؛والله إننا نفرح كثيرا كمسلمين ...ولكن هناك ما ينغص هذا الفرح أحيانا .... كيف ؟ أكيد رايحين نعرف كيف .؟ وليش؟؟؟ تابعوا معنا.............. إفتحي الراديو يا أم حمدان ........بدنا نشوف البلد شو بيها أخبار؟
حميدة : يابه نو نيو نيوز no new news..... أبو حمدان : أبس أطيح يابه عالسوق بجيبلك كيس لوز تكرم عينك انتي بس تدللي .
أبو حمدان : هاتي هالراديو الأخبار راحت علينا ..إقظب .. قلب .. قيم .. حط ... اسمع
المذيع(فهمان في رمضان ):أعزائي المستمعين وفي جعبتنا لهذا اليوم مجموعة من الأخبار أعدها لنا فريق كوابيس وفيها............ نطمئن الأخوة المواطنين بأن سعر كيلو الدجاج في رمضان قد يتجاوز الدينارين وصحتين وعافيه .
وأن بورصة الخضار سجلت أعلى ارتفاع لها في مثل هذا الوقت من السنة؛ علما بأن أصحاب المزارع لم يتضرروا من موجة الحر ولم يشتكي أحد؛ هذا وقد وصل سعر كيلوا الليمون دينار وربع قبل موسم شهر الخير (سلامتك يا مرشح )(استعمل زعوط بدل الليمون )... وأفاد محققونا بأن لا انخفاض على الأسعار هذا العام والفقير الله يعينه علما بأنه رح يكون رمضان نار وما بقدر الواحد لا يشرب عدس ولا يوكل إشي عالنار ما إله إلا الكوكتيل والميه المفلترة والسلطات بجميع أنواع الخضار.
المذيع(فهمان في رمضان ) : تنويه إلى السادة المستمعين ؛ لا تنسوا إنه ضمة النعنع رايحة تصير بالعلا لي (شاي بدون نعنع )ولأنه السلطة أزكى إشي بيها النعنع لازم تجيب أيها المواطن أكمن ضمه وتنشفهن لرمضان . (كان معكم فهمان في رمضان .....)
أبو حمدان : لا حول ولا قوة إلا بالله (الله لا يوفقك يا فهمان ) والله ما ظل إشي وما ارتفع ..الحرارة ارتفعت ، والذهب ارتفع ، والنفط ارتفع ، والأجارات ارتفعت ، والدور ولعت ... ولدرجة إنه الضغط ارتفع وصارت الناس تموت جلطة وصار الارتفاع بيقود لأزمة قلبيه .
أم حمدان : يا بعد قلبي والله أقولك شو رأيك هسا نطيح عالسوق نشتري أغراض لرمضان
أبو حمدان: وماله يله امشي .... وهمه بالبكم حلف وقال اسمعي يا أم حمدان أنا من هون ورايح مقاطع برنامج فهمان في رمضان وما بدي أعرف شوه اللي صار لا بالأسعار ولا بالخضار . أي بكفيش من السنة الماضية وإحنا بنمر من جنب الملاحم وبنتفرج على اللحمة بس فرجه ومش قادرين نوكلها !. خلص بطل إلنا نفس نوكل لحمه لأنها الناس ما بتقدر تشتريها وبتظلها منفوسه من هسا ما تقولي بدي لحمه فاهمه؟؟؟؟
أم حمدان : بيقولوا إنه بيه ناس نباتيين وليش إحنا الأردنيين ما نصير نباتيين ؟ شو المانع؟
قررت أم حمدان إنها برمضان هاظا العام تحول سفرتها لسفرة نباتية ومعقولة رايح يزبط هاظا الحكي !!!!!!!!!!!!!
وفوت يا أبو حمدان على شارع الحمام والخضرة كلها طازه وتمام (وينك يا فهمان في رمضان ) ولكن الأسعار نار قال شوه عرض وطلب ..... وتاك تيك تاك تيك لما كت كل اللي بجيبته للخضرة مشان يصيروا نباتيين وعلى فكرة طلع النباتي أكله أضعاف بالسعر وبالتنويع أبس التجويع أحسن فكرة ومال آلميه مع هالشوب أحسن إشي أأأأأأأه يا زمن لا إنته للفقير ولا للمسكين طلع هاظا الزمن زمن ما بعيش بيه إلا الملاعين ويا ويلي عالمساكين اللي بتروح بنفسه حبة التين قال شوه: الشرحة بست ليرات .... والله يا عمي ريته المذيع فهمان يبشر خير وبان المكتوب من عنوانه ورحمة الله سبقت وموجات الحر واحدة ورا واحدة عشان الناس ما تقدر توكل هاظا مانع رباني وقبل ما يكون غطرسة واستغلال للتجار وباعتقادي إنه موجات الحر توفير رباني ورحمة من الله ؛ أبس لازم العبد يرحم والتجار كمان لأنه إذا ظل الوضع هيك رايحة الناس تقاطع حتى ضمة البقدونس ، وبالنهاية التوسط بالأسعار هوأفضل حل لكل التجار لأنه بالمقابل إذا كسد البيع الحر رايح يخرب كل إشي ودائما الرضى بالعيش نصف الحياة ووداعا مع الحر لشوربة العدس (قوت الفقير ) وبعد هاظا اليوم يا أم حمدان ما ظل بيها أخبار والله يجيرنا من ارتفاع الأسعار واحتكارات التجار وما إلنا بعد الله إلا الملك عبدالله اللي بحس بالفقير والصغير والكبير ولكن شو بدنا نقول ... الله يطول عمر الملك عبدالله اللي أمر بالأسواق الشعبية وأنا بنصح الناس ترتادها وما أقول غير الله يساعد كل المحتاجين ويكون بعون الفقراء والمساكين وعلى رأي المثل (الشبعان مش داري بلقمة الجيعان ) أبس أنا متأكد إنه الخير موجود وبلا حدود بهاظا الأردن الحبيب وكل عام وانتو بخير وسيدنا أبو حسين بخير ولا تنسوا يوميات رمضانية مع أول أسبوع من شهر رمضان .... ترقبوا أبو حمدان بشهر رمضان ..........لنا لقاء بإذن الله

واللى اللقاء مع يوميات ابو حمدان في رمضان ...... والحلقه الثانيه ..
Hikmat_b@yahoo.com
0777406706