مشكلتي صعبة

زاد الاردن الاخباري -

السلام عليكم
بالمختصر المفيد رح احكيلكم مشكلتي وارجو الي عندو حل ما يبخل علي فيه
انا طالب جامعي انهيت السنة الاولى وبدرس بالنظام الموازي يعني الساعة بتكون سعرها ضعف التنافس قاعد بدفع على كل فصل 700 دينار علما انو الي 2 اخوان بالجامعة بيدرسو عادي تنافس
انا من عيلة فقيرة والبيت اجار غير المصروف والكهربا والمي وابوي موظف بالعربي ما في مصاري.
اتكفل في دراستي قريب الي الله يكتر خيرو ومعروفو هاد ما بنساه لاموت لانو لو ما بدرسني كان ما دخلت جامعة من اصلو.
قدمت طلب للديوان مرتين وفيه جميع الاوراق المطلوبة اضافة الى كشف راتب ابوي واثبات انو اخواني2 بجامعة على الفاضي مااستفدت اشي .........

انا ما بحسد حد بس الواقع الي عايش فيه مر ما بتمنا حد يعيشو
صرت استحي من قريبي اضل اخد منو المصاري والله لو مبلغ صغير ما بزعل بس كل فصل مبلغ كبير
مقهور من جوا لدرجة ما بتتصوروها.

ايش الحل ايش اعمل مشان الله حد يحكيلي...