يا سلام .. جامعات اخر زمن

نجحت حميدة في الثانوية العامة و حققت نجاحا باهرا ، كانت الفرحة تغمر العائلة وكانت الزغاريد تتعالى ،وعلى الفور يقوم ابوحمدان بدعوة جميع أقاربه للغداء حيث طلب من ام حمدان ان تحضر قدر كبير من الرشوف والفتة والبصل بجانبه وتقوم أم حمدان ايضا بتجهيز اللزيقيات ليتحلى بها المدعوين هذة المراسيم البسيطة عبر بها أبو حمدان عن فرحه بنجاح ابته حميدة كانت الفرحة غامرة والدار عامرة هكذا كان حال دار أبو حمدان 0 أبو سالم جار ابوحمدان كان من بين المدعوين وهو من أكثر الأصدقاء قربا من أبو حمدان ، وهنا يحضر حمدان القهوة ويصب القهوة لعمه أبو سالم يشرب الفنجان أبو سالم محدثا صديقه أبو حمدان ضمن الأجواء الغامرة فرحا أبو سالم قائلا : الله يا ريته صبّار بر كة والله أنها حميدة بتستاهل .
أبو حمدان : ما إنت عارف البير وغطاه 0 أبو سالم : ترى والله مايدري بحالك غير ربك وجارك 0وأنا بعرف الحال بس حرام لازم تدرسها بالجامعة. أبو حمدان : والله إني عارف هذا الحكي بنشوف الله يجيب اللي بيه خير يغادر المهنئون ليبدأ التفكير.
حميدة : أكيد راضي عليه يابه وبكل حنان الأب يقول لها :الله يرضى عليك يابه بتثاقلي بالذهب تقاطعه أنا يابه ما بدي ذهب ؛بدي ادرس بالجامعة 0 أبو حمدان :توكلنا على الله والله الرازق جهزي حالك عشان لما يصير التسجيل نروح عالجامعة . وفي الجامعه وفي مكتب تقديم الطلبات نشاهد أبو حمدان يدخل وتبدو عليه الدهشة مما يرى ويسمع، أما حميدة تنظر إلى نفسها وإلى العالم من حولها .
أبو حمدان يرى بعينيه اشياء لم يشاهدها من قبل. ويقول: يابه شو هذا هنه البنات ليش لابسات هيك ؛شوفي هاي كيف لابسه بلوزة أختها ( الزغيره ) (حميدة لا ترد وتبدو بعالم آخر 0فجأة تظهر بنت أبو سالم فاطمة تخاطب فاطمة أبو حمدان ... آهلين عموه مومعئول أوه للاه توحا! أنا ما عم سدق عيوني (it\"s impossible ) في هذه الأثناء تلتفت حميدة إلى فاطمة وبصمت مصغية لما تقوله فاطمة بدهشة ... فاطمة: تتحدث بمدنية بنات الجامعة قائلة لشو إنت هون توحا ،لكان زمان ما شفتك بس أنا كتير happy ) ) شو عم تعملي هون ؟حميدة دايخة من كثرة المفارقات أمامها ترد حميدة قائلة ما إنت عارفة يا خيتي أنا جاي أسجل بالجامعة عشان أقرى 0 فاطمة: (hard luck) توحا حبيبة ألبي رح أجي معكن فاطمة سنة ثالثة بالجامعة والجو ليس بغريب عليها ولها زملاء وزميلات 0 يمر أحد زملاء فاطمة مسلما عليها hi fofo) ) ليه ما عمشوفك see you) ) أبو حمدان هوه منوه هاذا يا عمي أبعدين لويش مغيره اسمك تجيبه فاطمة :هادا يا عمو اسم الدلع أبو حمدان :لعاد أمك إ اللي اسمها فلحه بدلعوها( فلاّحه ) والله عال 000أخ من ها لزمن تبدأ الشواهد أمامه ‘‘فتيات بلباس مختلف وشعر مختلف وألوان 000 متسائلا :ليش هذيك لابسه بنطلون مسحول عليها ‘فاطمة:هيك الموضة 0أبو حمدان هوه ما بيش قماش بالبلد 0 تدخل فاطمة وأبو حمدان وحميدة يتوجهان إلى قسم التسجيل 0 ترى فاطمة زميلها ((طوني)) توني 00توني تعال لعرفك على عموه أبو حمدان وبنته( توحا) بالمدني يتقدم الشاب توني halo uncle) ) أبو حمدان (هاه) شو بيقول يا فاطمة 0هادا بسلم عليك عمو أبو حمدان : بس أنا يا عمي ما فهمت إشي أي قولي هيك صايرة السلام عليم عندكوا بالجامعة والله لو قال مرحبا أحسن فاطمة :عكل حال هادا يا عمو صديئي توني أبو حمدان : شو وماله ثوبي فصلته جديد عند أبو شحاذة المكوكي 0 فاطمة : ما تعزبني يا عمو أبو حمدان : هوه ليش شعراته واقفات زي الأنتين ويابسات هوه شو القصة 0 فاطمة: هادا (spiky )سبايكي وشوهوه السلايكي هادا يا عمو جل بيعملو هيك موضة أبو حمدان : الله يرحم أيام زمان لما كانوا يحلقونا حلقة الرعيان عالطاسة والموس أبس إحنا كانوا يحطونا :كاز بدل الشل تبعكوا أبس هسا الكاز غالي 0 حميدة: يله يابه نشف ريقي وعطشان بدي أشرب ميه 0 يشاهد أبو حمدان الشباب جالسين في الممرات وعلى الطرقات وعلى الأرض يصرخ قائلا: الله أكبر ما بيش فراش يقعدوا عليها لويش قاعدين عالسهله (الأرض) تجيبه فاطمة : هدولا أعدين عم يدرسوا أبو حمدان هيه القرايه هيك بالجامعات ولاد وبنات أبصيرش ولاد لحال والبنات لحال 0يا عمي فاطمة : تضحك 000 شو بدي أفهمه ليفهم أي سقا الله والنهار خلصان 0 الآن أبو حمدان يدخل قسم التسجيل >قائلا : خذلك يا عمي العشرين نيرة وسجلي هالبنت عندكوا 0 المسجل : يا عمو :فبه prose\"s ) )أبل (قبل) التسجيل 0 يلتفت إلى حميدة شو يعني يابه حميدة والله يابه ما أنا فاهم 0 تتدخل فاطمة :يعني فيو عدة مراحل لازم نعمولها (نعملها) تذهب لرؤية التخصص الذي قبلت به كان الأدب من نصيبها ليذهب أبو حمدان للمسجل ينقر المسجل على القائمة للتأكد معلقا أبو حمدان أي والشو هاذا أي هوه بنتي ناقصها أدب والله إنها مأدبه وأمها بتكتلها لحتى تأدبها وأخر شي بدها تدرس أدب لا يابه يا حميدة إقري بالدار أحسن إحنا مربينك ومش ناقصك أدب فاهمه
المسجل : يا عمو هادا أدب عربي ، وإنجليزي أبو حمدان شو مالها والله إنها بتحكي عربي كويس وبعد نقاش طويل يتم التسجيل حيث يخبرهم المسجل أن هناك ساعات
أبو حمدان :شو دخل الساعة بالقراية
المسجل: ما إنت عمو بدك تدفع عالساعة 0
أبو حمدان : هيه أكمن ساعة بدها تقرى عندكو0
المسجل : هيك شي الفصل الأول تمنتعشر ساعة معتمدة هادا الفصل 0
أبو حمدان: قديش بدك عليهن هذولا0
المسجل : هادا عند المحاسبة 0
هنا المفاجأة ؛ المبلغ مع رسو م الجامعة يفوق الألف دينار 0 يضرب أبو حمدان يده فوق الأخرى
الله أكبر هاذا 18 ساعة هالقدي والشو رايك يابة أقريك بالدار أجيبلك الكتب وتقري بالدار أحسن وبفتحلك جامعة ((حميدكو )
والله يابه أحسن لإنه شكله رايح أرهن الدار من هون لما تخلصي جامعة أو ببيع (الأرض)
لتبدأ حميدة الشعور بالضيق لتبدأ بالبكاء 0أبوحمدان متعاطفا مع حميدة:خلص يا بنيتي ولا يهمك رايح أقريك حتى لو ببيع قطعة الارض بس والله حرام هيك هاذا وأنا بدي أعلمك وأنت واحدة هيك ؛هاه كيف اللي عنده 3 ولا 4 الله يكون بالعون 0
فجأة تظهر صديقة فاطمة اسمها سمر (سوسو) لتصرخ wow ) ) يجفل أبو حمدان قائلا أي هوه يا عمو صاحبتك لويش بتعوي 00أخ والله من لما فتت هالجامعة وراسي بوجعني ا هاي 00هالوا000 أنكل 000 سي يو وفوق هاذا تبع السردين طوني هسا سوسو يا فوفو الظاهر إنه العربية نسوها 0 كل إشي عنهم أوووووو والله كاني بقن جاج
فاطمه : هادي صاحبتي يلي صرخت واو يعني متعجبه ومستغربه يعني سبرايز عمو 0
أبو حمدان وين لغة القرآن ؛ مش حرام وينك يا شوقي 00 ياأحمدأمين وينك يا طه حسين وينك يا عرار 0000
بعصبيه ترى اسمعي يابه يا حميده تراني إذا بدري وبعلم إنه لسانك إنعوج بالجامعة غير ما تظلي بيها تراك جايه للقراية .
حميدة : خلص يابه لا تزعل حالك والله غير أعجبك0
أبو حمدان يشعر بتعرق شديد وارتفاع في درجة الجرارة إلى أن يرتفع ضغطه ويصار به إلى المستشفى لعلاجه مهذيا بكلمات مدوية وهو على النقالة
وينكوا 000 الرحمة مطلوبة 0000التقوى لقوى 0000والله حرام إذا هيك التعليم صار .. هاذا هوه العلم اللي بالصين 0000(جامعات أخر زمن )0 ويفقد وعيه من ارتفاع الضغط ..هكذا تكون حكاية حميدة وأبو حمدان في الجامعة 0إلا أنني أقول أن أبو حمدان يوجد منه الكثير في مجتمعنا حيث المعاناة تتكرر باستمرار ،وارتفاع الرسوم في الجامعات والمتطلبات اليومية لحياة الطلاب في الجامعات هذا مما يجعلنا كأولياء أمور وضع الأمر بين يدي المسؤولين وأصحاب القرار لتأخذهم رأفة بمثل أبو حمدان فمثله الكثير وكان الله بالعون



الى اللقاء مع ابو حمدان ............... في موقع اخر .... لكن اين ؟؟؟؟
Hikmat_b@yahoo.com
0777406706