مش عارفة شو اعمل !!

زاد الاردن الاخباري -

مرحبا

انا بنت عمري 21سنة  بدرس بالجامعة انا هلا سنة ثالثة الفصل الجاي اخر فصل الي ان شاء الله. وانا بنت عندي مخافة الله ومابحكي مع شباب ابدا وما بحب الغلط مش بدي امدح بحالي لا سمح الله.

الموضوع انه في معي شب بالجامعة مثلي سنة ثالثة وانا حاسة انه هو بحبني وهو ويشهد الله انسان ملتزم وما بيحكي مع بنات ابدا هو ما اجى وحكى انه بحبني بس دائما بطلع  علي وبحسه براقبني وهو محسسني  بهدا الاشي  . مرة كان في عندي امتحان من 4-5 وكان هو امتحانه 3-4 بس كمل امتحانه انا كنت بامتحاني  وانا كنت  بكتب اجى على قاعتي يدور ولما شافني فورا غادر المكان . حتى صحابه بحسهم بعرفو كل اشي حكالهم وهمة براقبوني كمان.

انا دائما بفكر فيه ومرتاحتله كثير لانه اخلاقه ممتازة وملتزم كثير وما عنده لف ودوران  ولما اشوفه بصير اتلخبط بستحي وبحط عيوني بالارض لا اراديا وبصير قلبي يدق كثير   . ساعدوني شو الحل دائما بفكر فيه استناه او لا  مش عارفة  اذا اجى عريس تاني اوافق او لا
 
ارجو عدم الاستهزاء  او التجريح واسفة عالاطالة
شكرا