أنا وأبي وزوجي .. !!!

زاد الاردن الاخباري -

السلام عليكم ورحمة الله وبركاته
انا فتاة عمري 27 متزوجة وعندي طفلين......
تزوجت بعد قصة حب وعذاب ومشاكل ...(قصة حرب)
 
الحمد لله الي متزوجة 5 سنوات واعيش حياة سعيدة مع زوجي يحسدني عليها كل من هم حولي
 
طبعا انا اعمل واضع اولادي عند اهلي اللذين يسكنون بجانبي
 
علاقة والدي وزوجي متذبذبة تارة تكون ممتازة وتارة اخرى  مقطوعة
والمشكلة بالاساس اختلاف في شخصية والدي وزوجي
بابا اجتماعي جدا وبيضل كل شوي بيدوا نروح عندهم وبدو زوجي يحتك بفلان او علان ..وزوجي غير اجتماعي
قليل الاحتكاك بمن هم حوله ...اذا لم يذهب زوجي عند اهلي بابا بيزعل.. وبيصير يقول انتوا ما بتيجوا عنا بعتله وما اجا وووو ...وطبعا بابا كل سنة بيجي عندي مرة ...بدو لما يقول تعالوا لازم نيجي ما بيقدر انه الواحد بيكون تعبان بعد الدوام او مش طايق حاله في بعض الاحيان بيزعل وبيقول من شو تعبان مهو طول النهار قاعد على هالمكتب
 
المشكلة التانية: لما بابا يزعل من زوجي وما اتدخل بيقول انتي ما الك شخصية ..ما الك خير باهلك ..انتي لما يكون الحق اله بتفضحي الدنيا ولما يكون عليه بتدخليش..مع اني والله بكون مع الغايب عند اهلي بصف معاه وعنده بصف مع اهلي
انا اجتماعية جدا ولكني قلصت اجتماعيتي بما يتناسب مع حياتي مع زوجي ولست نادمة ابدا
قدرت اني اكون اسرة كما اتمنى ما كنت اعمل لما تزوجت فأنا لم اكمل دراستي الجامعية لظروف والدي المادية السيئة
لكني حصلت على وظيفة جيدة  لاساعد زوجي حيث ان راتبه لا يكفينا
ظهرت مشكلة اخرى ان والدي كل كم يوم بدو فلوس دين ..كنت اعطيه بس صدقا ظروفي المادية لا تسمح بهذا الوقت
طلب مني في بداية الشهر وبعت له رجع طلب مرة تانية  والله والله ما معي فهذا الشهر اسوأ شهر يمر .من منتصف الشهر استدنت الى الان بحدود 40 دينار ..لم يصدق بانه ما معي وصار يقول لماما بنتك كزابة معها وما بدها تعطيني وطريقة كلامة معي متل الزفت غير انه صار يتضايق من اولادي ويقول لماما خليها تاخد بنتها معها اليوم عالشغل  وكلام متل هيك
انا ما بقول اشي سيء عن ابوي بس بيضل نايم للمغرب وبدو بس يصحى يطلب حق بكيت دخان ويلاقيه عنده ..طب انا بنت بطلع اشتغل عشان ما احتاج حد ...اذا قلنا معناش بيزعل ..شو اعمل
زوجي بيقوللي ابوكي مادي وانا خلص مش راح اعطيه مصاري ..وبيرد بيعطيه ..حرام بابا بيسد بس بعد 3-4 اشهر
وبالليرة وبالليرتين
كمان مش قدرتي احط اولادي بحضانة وهو بيمسكها علي نقطة ضعف ومرة زعل مني وقاللي  حطي ولادك بحضانة  شو أعمل  مش عارفة...