ضحكي يحرجني

زاد الاردن الاخباري -

طبعا اولا تحياتي للجميع
 
طبعا فكرت اطرح القصة بناء على موضوع طرحته زاد الا وهو كيف تعبر عن مشاعرك؟؟؟ وطبعا هون تكمل المشكلة عندي نبلش
 
هلا انا من النوعية الي بتحب الضحك كتير وكل العيلة بيعرفو هاد الحكي بس الي عم بصير معي شي غريب يعني لو ضحكت بوقت بحاجة لضحك مو مشكلة وعادي،،،، بس انا مثلا اذا بزعل من شي كمان بصير اضحك يعني هاد الشي خلا اهلي يمنعوني من اني احضر اي عزا ،،،مع اني المفروض اكون موجودة،،،بس شو بيصير والله بكون زعلانة ومقهورة وطائة من الزعل بس بتصيبني نوبة ضحك مو طبيعية يعني من 8 اشهرشو صار عمتو عزيزة علي كتير ( عمتو الي عزيزة علي مو اسمها عزيزية) توفت وكنت انا المدللة عندها والكل بيعرف أدي بتحبني  يوم ما رحت عالجنازة الكل كان متوقع مني انهار بس شو الي صار ،،،صار العكس صابتني نوبة ضحك قوية ما بعرف ليش والناس بتبكي وانا بضحك بعدين ضحك مو عادي ضحك بيخلي اي حد يشوفني يصير اله نفس يطلعني برى المكان،، اختي حكتلي خلص روحي عالبيت ،،،واتصلت باخوي يجي ياخدني ،،،بس انا من طبيعتي الشي الي بيدايقني بيخليني اضحك ،،،بحس اني مو مستوعبة الي بصير ،،،وقبل فترة كمان رحت اسحب فلوس من البنك طبعا البطاقة طلعت منتهية  ما كنت بعرف،،،لانها بتتغير كل 5 سنوات كل ما ادخل البطاقة  سحب يطلع خطأ بالبطاقة ،،،صحبيتي كانت جايبتلي شغلة وما معي كاش اعطيها فقررت اسحب،،،طلعت بعد اكتر من محاولة لصاحبتي اضحك ميتة من الضحك،،،مع انه المفروض اكون ابكي لانه انا فكرت صار للفلوس شي ،،،،يعني حدا عرف الباس وورد وسحبهم من هالتفكيرات،،صاحبتي تحكيلي شو ،،،احكيلها ما في مصاري،،،طبعا بوقتها ما كنت اعرف انه البطاقة بتتغير كل 5 سنين،،،تحكيلي طيب جربي ،،،احكيلها عملت اكتر من محاولة ،،،طبعا انا كنت بحكي وغميانة من الضحك،،،لدرجة انه صاحبتي فكرتني بتخوت عليها على قد ما ضحكت،،،  غير هيك اذا بدي افوت اضيف ناس عنا برضه بتمسكني نوبة ضحك،،بحس الصينية حتنكب عالضيوف الي عنا،،، انا عادة مو مستهترة ،،،بس شو الي بيصير الي والله ما بعرف ،،،،ناس اذا بشوفهم لاول مرة بصير اضحك،،،هلا انا داخلة على زواج،،،واهل زوجي ما راح يتحملو هيك وضع ،، شو اعمل بدي حل للمشكلة جد انا مدايقة من هيك شي كتير
 
شو الحل