تعبت من تحمل المسؤوليه

زاد الاردن الاخباري -

السلام عليكم انا سيده ابلغ من العمر 30 عام متزوجه صارلي 12 سنه ولي 3 ابناء مشكلتي تكمن في زوجي انو عديم المسؤوليه يحملني كل مسؤولية البيت ومسؤولية اهلو ومسؤولية عمله واولاده لدرجة اني اشك لو لا سمح الله اصابني مكروه راح تتوقف الحياه لدى عائلتي تزوجت صغيره وانا با التوجيهيي ودرست عنده هو اكبر مني 3 سنوات احبني وتزوجنا صغار انا وياه ودرسنا جامعه انا لا انكر محبتو الي وانو يمكن بحبني بجنون وبخاف علي من الهوا بس برضو ما بغار علي ثقتو فيني عمياء لابعد الحدود

لكن الزوجه بطبعها بتحب زوجها يغار عليها يعني ازا اجا صديق له عل البيت وهو مو موجود وطلعت ارد عليه عادي مابزعل ومع هيك دائما بحكيلو ما بصير ليش ما بتغار علي بحكيلي لاتقيسي نفسك بغيرك اثق بكي اكتر من نفسي زوجي وسيم وحلو وانيق انا عاديه
طبعو بيتوتي ما بحب يطلع الا معي انا متل خيالو بس بصراحه زهقني اسلوبه مللت العيشه هاي انا مسؤوله عن الاكل والشرب والعلاج وجميع مستلزمات البيت من فواتير اعمل متل المكوك
بصراحه مو عارفه شو اعمل معو

كل اشي بصير معه خارج البيت بحكيلي عنو وعن اتصالاته ومين قابل ...وهيك
دائما بحكيلي انتي امي واختي وحبيبتي وزوجتي

وانا بحكيلو بدي تغير اسلوبك وما تحملني اكتر من طاقتي انا متئكده انو لو تغرب يمكن ما يرجع لانو ما بعرف يعيش بره البيت
رغم شخصيتو حلوه مو انطوائي اجتماعي ومتحدث يعني المكان الي بجلس فيه بحبو الناس
بس معي انسان تاني دلوع

نفسي اغير طبعو بغيرتو علي يعني يصير يغار وانو يشيل عني مسؤوليه وانو يكون داخل متل خارج البيت من رجل حاسم وشديد وعصبي يعني بره البيت هو شديد وعصبي وجاد وطيب

بس داخل البيت رجل مسالم لا يرفض اي طلب بطلبو ريده عصبي مو مسالمنفسي يصرخ علي
مو عارفه كيف اعمل رغم حاولت كتير اغير فيه اشياء دون جدوى
اسف للاطاله