لا اقدر على النسيان

زاد الاردن الاخباري -

السلام عليكم
قصتي طويلة نوعا ما ولكن ساحاول اختصارها
اناتعرفت على شب منذ عامين شب امين متدين خلوق اسمه محمد كان كل قصده الزواج وفعلا بعت اهلو لعنا وبصراحه انا كنت متوقعه ازا يفشل الموضوع يفشل بسبب رفض اهلي الو لاختلاف الوضع الاجتماعي والمعيشي والبيئة لكن انا ابدا ما كان عندي مشكلة وانصدمت وكان الفرحه ما بتسعني وقت ما اهلي اعجبو باهلو يعني حسيت انو الموضوع انتهى وكل شي على مايرام
فجأه فشل الشب بعملووضارت مشاكل بينو وبين المديروقتها قرر انو يبعد عني او بالاحرى نبقى اصدقاء للعلم اهلو كانو فرحين باهلي لدرجة لا توصف يعني ما في مجال للشك انهم اهلو رفضو او هوه بطل يحبني او غير رايو يعني كل الشك هدا غير موجود انا ما تحملت لانو انا لما تعرفت عليه كان القصد واضح وانا ما بقدر اتعرف على شباب بحياتي لانو انا موضوع الحب كنت رافضتو بشكل مش طبيعي لكن ما بعرف شو صار
هدا الحكي صار والمشاكل من 7 شهور لكن انا للان مش قارده اتحمل فكرة انو يبعد مع انه هوه مغترب اساسايعني ما فنا بعض الا مرتين بس
الي صار بحكيلي انو لمصلحتي لازم ارتبط بانسان غيرو لانو ما برضالي عشية الفقر للعلم انا وضعي المادي منيح لكن والله ما بفكر بالماديات ولا بالمظاهر وتنازلت عن شغلات وهو كان يفكرني زعلانه لكن والله كنت مبسوطةولامهتمةهوه قبل فترة حكى معي وحكالي انو بحبني وانو ما قادر هيك يصير بينا ورجع حكالي انسي الي حكيتو حكيتلو انا مستعده استناه لكن هوه رافض انا عمري 21 سنة وهو 32 بس كل يوم بنحكي نطمن على بعض بس ما في بيناالا كلام عادي يعني مش اكتر من دقيقة بصراحه انا مش قارده انساهوهوه بحبني ولكن بتظاهر انو ما في عنده مشاعر اتجاهي للعلم بين كل فترة وفترة بتصل بصاحبتي بسالها عني بخاف يكون عندي مشكله او مريضه ومخبية عليه وبطلب منها ما تخبرني سالته انت حكتبها انو نسيتها وما بتفكر بالارتباط الحالي لانو وضعك صعب
بحكيلها لو الف العالم ما يمكن الاقي بنت تعمل الي عملتو عشاني وانا فعلا بحبها وما يمكن اتخلى عنها بس خايف اخليها تنتظرني واظلمها معي انا رح اضل جمبها حتى هيه تطلب مني ابعد عنها وما احكي ولا هيه تحكي معي بس انا مستحيل يمر يوم وما احكي معه يعني ازا هوه ما سال انا بسال عنه انا مش قارده انساه حاولت حاولت لكن دون جدوى احكولي شو اعمل للعلم انا بالجامعه ودراستى الحمدلله منيحه لكن هوه ببالي ما بروح وانا بعرف انو انو بحبني عشان هيك متمسكه فيه