يا رب بعالي سماك .. تسقي هالبلاد و العباد

بقلم : حكمت محمود البشير
الحمد لله نحمده ونستعينه ونستغفره ، ونعوذ بالله من شرور أنفسنا وسيئات أعمالنا.قال رسول الله (ص) (( ألا أنبئكم بخير أعمالكم ، وأزكاها عند مليككم ، وأرفعها في درجاتكم وخير لكم من إنفاق الذهب والورق ، وخير لكم من أن تلقوا عدوكم فتضربوا أعناقهم ويضربوا أعناقكم ؟ ) قالوا بلى . قال ) :( ذكر الله تعالى )). صدق رسولنا الكريم
هل من المعقول أن الدنيا تلهي المؤمن عن ذكر الله ؟؟ ولما نبتعد؟ دعونا نتابع مشهد استمطار الرحمات من أجل الغيث وحبة المطر .. تابعوا
أبو حمدان : شايف يا أبو سالم هالسنه الموسم كثير متأخر شوف هالزيتون كيف كاش وناشف والعود ميبس والدودة بدت تنخر والحفار ينشر وكل هاظا من شو فكرك ؟
أبو سالم : أبدهاش اثنين يسولفوا بيها الله يغيثنا يا رب ، الله يا رب بعالي سماك تسقي هالبلاد والعباد وتدر الضرع وهينا يا رزاق يا كريم باسمك نلهث بالدعاء اللهم الجواب.
أبو حمدان : يا ساتر يا رب الله يسقينا الغيث أبيه عليك يا زمان لما كانت بأيلول تبدى تشتي وما تلحق هالمزاريب دلدعة ميه ..... دخلك شوهوه اللي اختلف الدنيا ولا الناس ؟
أبو سالم: الدنيا ما تغيرت ولا الزمن اللي تغير... الناس همه خيوه اللي تغيرت نفوسهم
أبو حمدان : والله إنك هايه معك حق بيها شوف الدنيا ولعت قال كيلو الثوم اللي ريحتها طالعة بست نيرات .
الأرض ولعت وحبست خيرها والسما حبست مطرها من شوفة عينك القطيعة من كل الجهات والرزق على الله ....... وأكبر قطيعة بتحبس الرزق والمطر هيه قطيعة الأرحام والحمد لله الله يكثر هالخلويات بالأردن قال شوه كل عام وانت بخير يا خيتي .
أي هوه هاظا حكي أختك ولا بنتك بتبعثلها رسالة مشان تعيد عليها وين أيام زمان لا سيارة ولا باص وكيف كانت الناس تزاور بعض هسا الزلمه إذا بده كاسة شاي وهوه بنفس الدار بحكي مع المرة تلفون ألوه أم فلان هاتيلك كاسة شاي هريني قاعد عالبلكون ، وما أبيش متر بينها وبين جوزها والطلب عبر الموبايل والله هاظا زمن العجايب اللي بقلب الشب شايب والله وكيلك حتى زمان كانوا لما يطلعوا يصلوا استسقاء كانت قلوبهم أنقى وفكرك وينتى يعرفوا :لما يصيرو بأيلول اللي ذيله مبلول كانت الدنيا إذا ماشتت الكل يطلع بنيه صافيه وبالدعاء والتضرع لرب العزة وهسا يا حصرتي بدك منوه اللي يستسقي المسؤولين اللي الواحد بيهم بلبس بدله بالشئ الفلاني ولا بدك شباب (فيس بوك) والله حتى بالبلد ما ظل بيه عجايز وإذا عالحيوانات ماظلش أكم راس غنم من ورى هالنواب وهالفخفخة الكذابة ( إذبح ، اسلخ) وخليها على الله اللهم أصلح الحال لأنك شايف الحال ..... أبو سالم : لما أقعد أسولف ولادنا عن الشتوية زمان كانوا بيقولوا يابه هاظا الشتى اللي كان زمان ؟ بستغربوا هسا السما لا قطرت ولا مطرت والله وكيلكوا صحاب الفال كثار بالبلد قال شوه انحباس للأمطار لهذا العام . ونسيوا إنه الله هو منزل المطر ومسير السحاب هو وحده جل وعظم شأنه القادر على السقيا أبس لازم يرجعوا لرب العباد ويذكروه ويتذكروا إنه خير الأدعية في طلب الغيث هو: اللهم أغثنا ، اللهم أغثنا، اللهم أغثنا.
((اللهم اسق عبادك، وبهائمك، وانشر رحمتك، وأحيي بلدك الميت ))
((اللهم أسقنا غيثا مغيثا مريئا مريعا نافعا غير ضار، عاجلا غير آجل))
إن الله إذا ضيق على عباده فإنه يطلبه لجوءا إليه وصلاة الاستسقاء من باب التوبة والتضرع إلى الله عز وجل دعونا نستسقي رب السموات والأرض ( اللهم اسقنا الغيث ولا تجعلنا من القانطين برحمتك نستغيث يارب العالمين أغثنا وتقبل منا يا أرحم الراحمين ).

والى اللقاء مع يوميات ابو حمدان .... في موقع اخر
Hikmat_b@yahoo.com
0777406706