يا نواب 2010 .. شو بده الشعب يلقى

بقلم : حكمت محمود البشير
لقد توجت النتائج النيابية مقاعد أفرزها الشعب منه وإليه وقد يكون في علم الغيب ما سينتظر قد يسوق لنا ما أفرزته ضمائر الناس بهاء وقد يكون شقاء وفي أغلب الظن تقرأ العناوين ولا يقرأ ما بين السطور ، عجبت وما كان من عجبي أن يبارح يمين أصحاب الرأي والقرار ما كان أسوأ من المحال ، ليتكم تقرؤون ما بين السطور ، ليت كل المسؤولين في بلد العرب كمسؤولينا ينبئونا بسوء طالع الأقوام تعالوا شوفوا ضجر المواطن ونقمه على سوء اختياره أكيد بعده ما آن الآوان لإصدار الأحكام أبس هاظا هوه شارع المواطن .....شوفوا و ما تنصدموا ...
أبو مهاوش :الله من قلة هالبخت وين ما بتروح بتلاقيها مسكرة الله أكبر
أبو حمدان : الدنيا بدها صبر يا زلمه ..... وكلها لسيد المتوكلين... الله نعم الوكيل
أبو مهاوش : والنعم بالله .. أبس والله طفح الكيل وفاحت ريحة الهيل ، دايما بعد للعشرة قبل ما بدي أحكي أبس هسا بديش لا أعد ولا أمد ، بثمي بحصة بدي أبقها
أبو حمدان : هات ما عندك ؟.... يمكن يكون الحال واحد شوبدريك خلي اللي بالقلب بالقلب يا زلمه أي ما هيه الضيقة عالكل مش على واحد .
أبو مهاوش : تراك بتحب ترفع ضغطي اسمع تراها قبعت،ويا حلالي ويا سوء حالي
هنه عيونك شايفات اللي أنا شايفه؟؟؟
أبو حمدان : شو شايف يا ابو مهاوش ؟؟
أبو مهاوش : ظلينا نطوط ونزمر قال صار عنا نواب بالبرلمان ،وإحنا نايمين بهذيك الليلة طلع النهار وتفاجأنا بزينة الأخبار على وجه البرلمان ، رفع السكر عشر قروش ورفع الحبوب خمس وعشرين بالميه ورفع الخضار ورفع لكل الأسعار ورفع البنزين بموافقة دولته من قبل معاليه تقول إنه هظولا الوزرا بحلمو بالشعب بعد ما يتعشوا شكلهم بنتعشوا وكل العالم بتنزل أسعار البترول عندهم عالميا ما عدى إحنا وكل هاظا والنواب ما صارلهم ساعات حالفين اليمين وقاعد بتقول عين خير ؟ وينهوه الخير ... إذا الوزراء ما بحترموا إرادة الشعب مبينه خيوه الأمور فكرك رايحين يحترموا البرلمان إنسا هاظا الكلام وخلينا نظل لا أرى ... لا أسمع ... لا أتكلم ... وكله بدون كلام .... أو إنا بنقلب على مسلسل الشعب الأردني المفضل ..((.كلام نسوان )) هاظا أحسن حل يا حصرتي على الرجال الكل صار يلهث ورى المال والله تجيرنا من تواليها وكله بتعربش على ظهر كله ومسكين المواطن انحنى الظهر يا ريت من هسا تفكر الحكومة باستيراد أكم عكاز من الصين مشان الشعب المسكين . أما النواب ما عندهم جواب ومن هسا مغلقين الأبواب وغيروا أرقامهم وما ظل بالجعبة الوطنية من زواد والكل يا الله ونفسي وأنفاسي أبس نصيحة لكل نائب قبل أي جلسة لازم يخلوا حالهم مش سامعين أحسن لأنه .......... والسؤال وين الملقى يا نواب ؟؟ والله ولي الصابرين ...
ونتمنى لنوابنا الكرام التقدم و الازدهار في ظل صاحب الجلاله سيد البلاد الملك عبدالله الثاني حفظه الله ورعاه ..


والى اللقاء مع يوميات ابو حمدان ........ في موقع اخر
Hikmat_b@yahoo.com
0777406706