نبضات قلبي تصرخ لا احد يسمعها

زاد الاردن الاخباري -

انا لميا عمري 21سنة تزوجت من شخص كنت مخدوعة فيه كان قبل الزواج لابس عناع مشان يخفي خداعه المهم لما اتزوجت هدا الشخص كان على اساس انه مطلق ....كان يجي للبيت ساعتين وبروح بيقفل الباب عليي وبيمشي ويتركني اربع ايام واحيانا خمس ايام حتى مابيسالني اذا بدي اكل او خبز مشان اكل والمشكلة مافي وسيلة اتصال بالبيت واحيانا اطلب منو يجيبلي اكل وخبز مشان اكل ويروح وينساني ينسا يجيبلي اكل ...ايام مايكون عندي خبز واجوع مافي اكل واتالم من جوعي واتحمل واصبر على اساس بروح بيت اهلو انا ماكنت بفهم كان عقلي صغير ماكنت بعرف شو اعمل ...حتى الشبابيك ممنوع افتحها ولا حتى اني انشر الغسيل برا عالبلكون ..... كنت كل الوقت اقرا القران مشان ربي يعطيني القوة على الصبر والتحمل حتى صلاتي كنت احاول اطول بسجود بالدعاءئي وبكائي واطلب من ربي يعطيني الصبر والحمد لله اني صبرت واتحملت كان همي رضاه وماكنت احب ازعلو ابدا ... بس كان لما يجي تتصل وحد ة وكل مرة وحدة شكل وكنت انا ارد على التليفون واسمع صوت البنت تقول اسم جوزي و....صرت اسالو مين هالبنات صار يبدا بالضرب والكذب والخداع وما كنت بعرف ليش يخوني انا حلوة كتير وانيقة كتير و وقت يجي البيت اكون انا باجمل مظهر واجمل ريحة وباجمل لبس وبعد سبع اشهر اكتشفت انو مانو مطلق مرتو ومافارقها ابدا وعرفت انو مرتو ولدت وجابت ولد معاق وصار بدو اولاد وصار متمسك بمرتو اكتر... بعد ولادتها باربع شهرين قلتلو انو لازم ياخد الولد على الاطباء مشان يشوفو حالتو قالي بكرا مناخدو انا وانت انا فرحت المهم رحنا عند الدكتور وانا كنت حاملة الولد بين ايدي وكان شعوري كتير حلو حسيت بالامومة صارت عيوني تدمع وقلبي بنبض بشكل غريب كنت فرحانة بس مكسورة من جوا مابعرف اعبر عن وجعي ياناس انا اسفة مابعرف شو اكتب انا مخنوقة كتير ...وصلنا للطبيب والممرضة كانت تطلب معلومات عن الطفل ويالتني انتي ام الطفل طليقي جاوب لا لا هي مو امو امو اسمها... اه اه يا ربي مابعرف شو كان احساسي متت بكلو وحدة لا... بعد الضرب والشتم والخيانة والخداع والكذب قررت انو خلص انتها كل شي لازم ارفع مخالعة واطلقو والحمد لله اني طلقتو ورجعت بيت اهلي والحمد لله انو اهلي كتير راقيين وحنونين واحترمو قراري وبعد الطلاق خبرت ابي عن يلي كان يصير معي وتفاجئو اني كيف تحملت وما خبرتهم قبل طلاقي عن يلي كان يصير معي ... هي اسرار بيت مابصير تطلع برا هدا كان جوابي للاهل وطبعا مو مقنع .... على فكرا انا اختصرت كتير من الكلام لانو في شيء اهم ......
وبهدا الوقت انا مطلقة ومابجيب اولاد يعني ماعندي القدرة على الانجاب والحمد لله اقدر اقوم بواجباتي الزوجية ومافي امل من الانجاب الا عن طريق الام البديلة بس هي العملية مشكلتها مكلفة كتير ... طبعا الرجال رح يقول بروح بتزوج وحدة تانية وبجيب منها اولاد اوفرلي وبجدد المره ...ومشان هيك انا عم دور على شخص عقيم و مابجيب اولاد مشان يحس فيي ويعرف وجعي والمشكلة لهلى ما لقيت شخص متلي انا حاسة اني ما رح الاقي شخص متلي مابعرف شو اعمل انا كتير تعبانة انا اسفة مابعرف عبر عن يلي بداخلي من الم و وجع ...

 ساعدوني .