انا في حيرة وخائفة

زاد الاردن الاخباري -

انا حابة اطرح مشكلتي يمكن الاقي حل عندكم بليز يا محرر انشرلي قصتي
انا بنت عمري 25 سنة حبيت شب وهو حبني واجا تقدملي بس اهلي ما وافقوا على الموضوع انا زعلت كتير لانه اول حب بحياتي وكنا كتير نحب بعض بعدها بفترة اشتغلت وانا بالشغل كان في شب يحاول يتقرب مني بس انا ما كنت اعطيه مجال لانه قلبي كان بعدو مع هداك ..... هلاء هادالشب حاول كتير يتقرب بس ما كان في مجال وانا كنت كتير اعزه لانه شب كتير منيح وكنت احس بحبه بس ما كنت قادرة افتحله قلبي
مرة فاتحني بموضوع الخطبة انا قلتله انت بتعز علي كتير بس انا ما بدي هلاء اتزوج كنت دايما اشجعه انه يتزوج ويدور على بنت حلال لحتى ما لاقى وخطب من بعد ما خطب انقطعت اخباره عني بطلت اعرف عنه شي كنت احاول اسال ناس بعرفوه بس ما كان حد يعرف شي لاني كتير بعزه قبل فترة بعتلي مسج وقالي انه اتزوج وطلق الشب عمره 27 ما تفق هو ومرته وقالي عن كل شي صار بينهم انا بعرف الشب اخلاقه كتير منيحة وطيب لدرجة كبيرة صار يقولي طول المدة وانتي في بالي وقالي انه بعده بحبني وبدو اياني وبتمنى اني اعطيه مجال هادي المرة هلاء انا انبسطت لانه رجع ما بعرف ليه انا خايفة ازاخليته يجي شو رح تكون ردت فعل اهلي واللي حوالي شوممكن يحكوا
بليز سمعوني ارائكم لاني كتير حيرانة عادي ازا اخدته وهو متزوج ومطلق ولا مومناسبة اني اخذه
اسفة ازا طولت عليكم