سكان الزرقاء حي المصفاة

زاد الاردن الاخباري -

السلام عليكم ورحمة الله وبركاته

احنا من سكان الزرقاء حي المصفاة منطقة الميلامين نعاني من الشارع الي بدخل على الحي
هالشارع عبارة عن مصيدة سيارات وبني ادمين 
من اكثر من 3 سنوات كل ما ييجو يصلحو بخربو بزيادة حتى صار مؤذي بشكل كبير جدا
دايما المجاري طافحة فيه حتى اكلت الشارع اكل وصار زي الخنادق والمناهل صارت مكشوفة باستمرار بتستنى ضحية كل ساعة وعشان تنزاد الطين بلة فتحت مغسلة سيارات على باب الشارع والله ما بنعرف نمشي ولا نمرق لا بسيارة ولا على الاجرين
وحالة اهمال بموضوع الزبالة غير شكل بيجو عمال النظافة بالسيارة بيوسخو الشارع بزيادة والله يعني لو ما بييجو احسن
هالموضوع بالنسبة للشارع صلو فترة طويلة ....
وهسا دخل الشتا وما النا غير الله يعينا