الطريق الشاق الى الزواج

زاد الاردن الاخباري -

قد يكون موضوعي جديد على هدا الموقع ولكن ارغب ان اطرح بمشكله نعاني منها نحنا المغتربين خارج الاردن وهي الطريق الشاق نحو الزواج
كم تعلمون بان اي شي يتغرب يرغب ببناء نفسه ومستقبله بشكل جيد بحيث  يحقق كل رغباته وامنياته واولها الزواج  والاستقرار الذي هو احد الاوليات هناك نوعين من الشباب نوع يتمسك بنفسه ويقاوم المغريات الي تحوم حوله في غربته وينظر الى مستقبله والى الارتبا ط بزوجه صالحه ترعاه وتمنحه كل اشكال الحب والرعايه والاستقرار واما النوع الثاني فتجرفه مغريات الغربه

اود ان اعرض عليكم تجربتي  انا شاب خرجت للهدف الاول فقط وهو بناء نفسي ومستقبلي واكمال نصف ديني خرجت للعمل الى احدى دول الخليج وهناك عملت وبذلت مجهودي وكنت واضعا بين نصب عيني ان اعود الى وطني محققا احلامي جميعها والتي كنت احلم بها والحمد لله الامور تسير على مايرام

قررت ان ابدا بتحقيق احلامي  فبدات بالحلم الاول وهو اني اشتريت منزل العمر بيت الحب والحنان وبعد ذلك قررت ان اخطو نحو الهدف التاني وهو البحث عن الزوجه وكما تعلمون فان البحث عن الزوجه في الغربه  اي تعيش بنفس البلد الذي اعمل به صعب نوع ما مع نجاح بعض الحالات المحدوده

اخبرت اهلي باني راغب بالزواج وكانت  هي المره الاولى التي ابدا بالبحث فيها وفعلا اخبروني اهلي  عن عده فتيات  سواء اصدقاء او جيران او غيرها  طلبو مني ان اقدم لعمان وانا اتعرف  على احداهم  ذهبت وكنت متاملا  كل الخير بس كما تعلمون عملي بالخارج لايسمح لي لقضاء وقت طويل بالتعرف بسبب ضيق الاجازات  دخلت  بيت اهل البنت  بعد ان تم الترتيب مع اهل الفتاه وفعلا شفتها  وماشاء الله كانت الفتاه اخلاق وادب وجمال واهلها  ايضا محترمين وحكولنا اتعرفو على بعض اكتر في حال انه صار بينكم اعجاب متبادل فعلا جلست انا والفتاه عده جلسات في منزل اهلها وبدانا بالكلام والحديث المطول على عده ايام  وصار بينا نقاشات وتبادل اراء وافكار  ونوعا ما حصل بينا تفاهم  مابدي احكي كامل على كل الامور بس نحكي تفاهم مشترك وسطي بيني وبينها  سالتني عن طبيعه الحياه بالغربه وكيف رح تكون حياتنا هناك وكم سنه رح نعيش وهيك ورح تسمح لي بالعمل وكيف طبيعه بيتنا وكتير امور بتخص حياه الغربه  بوقتها انا شرحت الها الامور كلها بكل صراحه وعن طبيعه حياتي هناك ودوامي ووضعي المالي وطبيعه البيت اللي رح نسكن فيه ونتزوج وهذا الكلام كله قضيت مده 20 يوم بعمان وانا اتناقش بهيك امور وترتيبات اخرى  حكتلي انه رح افكر بالموضوع  بشكل جيد لانه الموضوع مصيري بعدها بيومين ردت لي خبر انه انا موافقه بس  بدي ترجع للاردن ونعيش بعمان  انا مارح ااقدر اتحمل الغربه  ورح تكون صعبه علي  وانا كتير متعلقه بااهلي  او انه نخطب وانا اترك عملي خلال سنه  وارجع لعمان  بهديك اللحظه استغربت  انه الانسان لما يرتاح لشخص ويحبه  وفعلا ناوي يرتبط فيه بضحي بكل شي من اجله  اصرت على الموضوع هدا  حكيت الها انا برنامجي اللي راسمه بتطلب مني غربه لمده 4 سنوات قادمه على الاقل  مع انها كانت تعرف اني انا متغرب لما حكو اهلها الها عني بس  حكتلي مابحب الغربه بجوز لانه اعطيتها طبيعه الحياه بالغربه بواقعيه وما بالغت بالوصف على اي حال مااتفقنا وحكيت الها انه الموضوع امر مفصلي ومهم ومابقدر اتخلى عن الموضوع
 
مش عارف انا انه وصلنا لهيك مرحله انه البنت اصبحت غير قادره على التضحيه وانه تسافر مع حبيبها لشق طريقهم للمستقبل بس بدها تكون قريبه من اهلها  مستعده تتخلى عن الزواج  مقابل هيك موضوع  هل الغربه صعبه لهدرجه هاي ماعم بفهم  ومع هيك  انتهت اجازتي وعدت مره اخرى لعملي مستغربا من هذا الامر فهل هذا منتشر ولا هاي حاله خاصه