زوجي والعمل

زاد الاردن الاخباري -

أنا مشكلتي وهي كالتالي:-
أنا إمرأة متزوجة من 10 سنوات تقريبا وعندي أربعة أطفال (ثلاث بنات وولد) وكان زوجي بيعمل ببداية حياتنا الزوجية ولكنه الآن فقد عمله لأنه مرض وماعاد بيقدر يشتغل تاني وبما إني معي شهادة جامعية ، فدورت على شغل ولقيت بشركة خاصة كسكرتيرة ، الحمد لله أنا مبسوطة كتير بشغلي ولكن في شغلة وحدة كتير بتألمني وهيا كل ماحدا من زميلاتي وزملائي بيسألني شو جوزك بيشتغل بحكيلو إنو ما بيشتغل فبيحكلولي يعني إنتي بتصرفي عليه وشو إلى موقعك هالوقعة وليش قبلانة فيه وضايلة معو لهلأ ، أنا والله بحب جوزي وهو كتير طيب وبيحبني وأنا مبسوطة ومرتاحة معو وما بشكي من شي هوا صحيح وضعنا المادي مش جيد لكن أنا مرتاحة معاه وما بفكر أتركه وإزا على الشغل هادا الشي مش بإيده وأنا مقدره وضعه، بس حكي زمايلي بالشغل كتير بيألمني وبحس بكلامهم تلميحات مش منيحة وفي حكي كتير ورا نظراتهم لإلي ، أنا حطيت مشكلتي لأعرف رأيكم بهيك مشكلة ،
وبشكر المحرر وهاي الجريدة إلي سمحتلي أحط مشكلتي وكل القراء والمعلقين.