فنانة لبنانية تشن هجوماً على هستيريا معجبات بوراك أوزجيفيت: "آكلي تاكلكن بلا مربى"

فنانة لبنانية تشن هجوماً على هستيريا معجبات بوراك أوزجيفيت: "آكلي تاكلكن بلا مربى"

زاد الاردن الاخباري -

انتقدت الفنانة آلين لحود حالة الهستيريا التي سادت استقبال المعجبين بالصراخ والتدافع والبكاء وحلالت الإغماء، الممثل التركي بوراك أوزجيفيت خلال زيارته الأخيرة إلى بيروت من أجل افتتاح أحد محلات الألبسة.

وكتبت آلين عبر حساباتها على مواقع التواصل الإجتماعي: "غط ع قلبك تسلميلي؟؟ كرمال بوراك؟؟؟ وآكلي تاكلك انت واللي نمى فيكي ثقافة المسلسلات التركية.. شعب اهبل.. ديكتاتور واكتر بدكن لتتربو وتسيرو عالم.. مراهقات سخيفين وبلى مربى.. فالنعم من هيك اهل بربو هيك اصناف من اشباه البشر".

وانتقد عدد من الفنانين اللبنانيين مجرى الأمور خلال زيارة النجم التركي، فكتب الممثل رودريغ سليمان في حسابه على موقع "فيسبوك": "سيناريو من نسج الخيال: مرحبا.. بدّي افتتح محل وجاي ممثل اجنبي عيب ما نكرّمو، فيك تأمنلي 200 شبّ وصبيّة 20 دولار عالشخص لحتى بس يطلّ بيبلشو يصرخو ويصورو ويدفشو بعض؟ هيك العالم اللي موجودين بفكرو في شي وبيزيد العدد ومنكون هيك عملنا من قيمة الأجانب".

وختم قائلاً: "مجرّد فكرة لا تمت الى الواقع بصلة، بس فكّروا فيها".

ونشر الممثل يوسف حداد صورة ترصد اندفاع الجمهور نحو اوزجفيت، معلقاً تحت عنوان "الصورة اللي بتفضح": "مش غيرة ولا حسد بس حسرة وعتب على هالشعب الراكض يستقبل بوراك الممثل بالصريخ والدموع والهتاف ومستعد ينطر ساعات وايام ليلقي نظرة على البطل التركي،وناسي الفقر والتعتير والزبالة والضرايب والطرقات والعتمة والمي والسارقين وميات المليارت دين والفاسدين والطائفيين والاذلال اللي عايشو تا يتسجل بجامعة الوطن وتا يفوت على وظيفة بلا واسطة...".