هل اعاني من مشكلة

زاد الاردن الاخباري -

السلام عليكم
انا فتاة ابلغ من العمر 31 سنة والحمد لله متعلمة وووو كنت في بداية حياتي يعني في اوائل العشرينات فتاة عاطفية جدا ورومانسية الى ابعد الحدود وكان حلم حياتي تاسيس اسرة وحبي للاطفال فوق الخيال وكان عندي كمان  طموح كبير اني احقق ذاتي في العمل وطبعا مرت الايام وما اجى النصيب فكان معظم وقتي اقضيه في العمل وكل تركيزي صار على شغلي وكيف اطور من حالي وكيف مرت الايام والسنين وصرت بهذا العمر عن جد ما بعرف ؟؟؟؟؟؟؟؟؟ما حسيت بالوقت نهائيا حتى انا الي بشوفني مستحيل يعطيني هذا العمر يعني   مو اكتر من 24 سنة حتى انا لحد الان ما مستوعبة انه صرت بهد العمر بس المشكلة انه حسيت شخصيتي كتير اتغيرت عن زمان يعني صرت عقلانية كتير وبحسب كتير الامور بالمنطق والعقل يعني كتير نفسي اعمل عيلة وحبي للاطفال لساته زي اول ويمكن اكتر بس بفكر كتير انه المفروض يكونوا اسعد اطفال بالدنيا وعايشين مع اكتر ام واب متفاهمين يعني عايشين بعايلة نموذجية يعني ما بدي احملهم ذنب اختيار شريك خطا ومو المهم عندي بس اجيب اولاد واشعر انا بالامومة بفكر بحياتهم المستقبلية اكتر ما افكر بحالي ونفسي اتزوج بس مشكلتي اني ما بدي اتزوج وبس بدي عن جد شريك بهالحياة اكون انا واياه كتير متفاهمين وعقلنا جاي على بعض واعيش معه مبسوطة ومرتاحة بسسسسسسسسسسسسس المشكلة اني مش عارفة ارتبط باي انسان يعني كل ما يصير موضوع زواج بتبلش الافكار عندي تشتغل واحسبها يمين وشمال وبحس حالي ما اقتنعت بالشاب فالموضوع كله بتكنسل وعلى هالموال على طول عن جد مش عارفة طريقة تفكيري صح او خطا ومش بايدي على طول بحسبها بالعقل وما بخطر ببالي انه انا بسن حرج مثلا او لازم الحق حالي لانه سن الانجاب للبنت بقل سنة عن سنة ووووو والمشكلة مرات بحاول اني احكي هذا الشاب كويس ومحترم ووو بحاول اوافق بس نفسيتي بتتعب اكتر لاني بحسه مو هو ههدا الي ببالي والي بحلم فيه يمكن من سوء حظي اني ما قابلت لحد الان الشخص المناسب بس ما بقدر اوافق على اي واحد بسهولة (غصب عني مو بايدي او لاني شايفة حالي لا سمح الله بس هيك طبيعتي ) مرات كتير

بتمنى اني اكون زي البنات التانيين بجيها عريس وبكون كتير عادي بس هيه كتير بتكون مبسوطة وبترضى بسهولة وما عندها مشاكل وانا كتبت بهاي الزاوية حتى اسمع ارائكم ونصائحكم واشوف اذا انا عن جد بعاني من مشكلة والا الي بصير معي طبيعي بس مشكلتي انه ما اجا الشخص المناسب وشكرا لوقتكم