لا أحب غير نفسي

زاد الاردن الاخباري -

أنا شاب عمري 29 سنة، أعمل بأحدى دول الخليج، مشكلتي قد تبدو غير مهمة للبعض، لكن المشكلة ان لدي قناعات وغير قادر على تغيرها، أهم قناعة موجودة لدي أنني غير مفكر بالأرتباط نهائيا ، والسبب الرئيسي أنني لا أثق بطرف اخر غير نفسي، أنا أحب نفسي كثيرأ ومهتم بها لدرجة غير معقولة، من لباس ورفاهية وحتى امور بسيطة، مثلا أسعى لأرتداء ساعات عالمية، ملابس من اخر طراز، رفاهية حتى في أمور بسيطة وتافهه، ولا أثق بأحد غير نفسي ولا احب شيء غير نفسي، احيانا أحاول أن أتغير ثم بعد فترة قليلة أعود كما كنت، أحب توفير كل شيء لنفسي وأرفض مشاركة أي أحد لي، واتذكر حتى من أيام الطفولة أي لعبة كنت أظل أبكي حتى أحصل عليها وما أسمح لحد يشاركني فيها، بجوز البعض يشوفها مشكلة سخيفة، بس انا فعلا بعاني، ما بحب حدا، حتى أهلي بعاملهم بنوع من الطبقية، بعترف انه أناني، بس تعبت من حالي، حتى لو أعجبتني بنت، كنت مش مستعد اتنازل وأجاملهاأو احكي معها، وطبعا نتيجة لكل هاد الشي ما عندي ولا صديق، وحتى شعور انه يهمني انه يكون عندي صديق غير موجود، لأنه مارح أثق فيهم ورح خلي تعاملي رسمي جدا معهم، أغلب وقتي في العمل ، بالوقت الحالي أمي مصرة على أنه ارتبط، بس بمثل وضعي هاد ما اتصور زواجي ينجح لأنه بأختصار رح أكون أناني معها ورح تستغرب حبي لنفسي بهاي الطريقة الغير معقولة، شو الحل مش معقول الناس غلط وأنا صح، حاولت كثير أتغير س بدون نتيجة، بعرف انه كل انسان بحب نفسه لكن في حالتي الكل بيشعر انه هاد غرور او تكبر وبيخلي الطرف الاخر يبتعد عني، مع انه قلبي طيب وما بكره حدا ولكن بنفس الوقت عمري ما حبيت او وثقت بحد، ما هو الحل المقنع حتى استرد الثقة بالاخرين.