أثقلتني الهموم ولم اعد أقوى على التحمل

زاد الاردن الاخباري -

انا ر اح ابدء معكم موضوعي وبتمنى انكم تحكولي شو اعمل ..
انا الصراحه تربيت في كنف عائله مقتدره ماديا وعشت احسن عيشه وابوي ما عمرو حرمنا من اشي خلصت دراسه الجامعه وبعدين قدمت على شغل وماطلعلي بأي مكان لأنو مامعي رقم وطني.

 المهم ابوي حكالي ولا يهمك انا بصير اعطيكي راتب المهم ابوي كان موقفو حلو والصراحه اسعدني المهم ضليت اعده حوالي خمس سنين بالبيت وخلال هاي السنين اتقدملي كتير شباب للزواج وانا الصراحه كنت ارفض لحد ما يجيني متل مابدي المهم اجى الشخص اللي كنت بتمناه وكان عايش ببلد اجنبي زي ما انا كنت اتمنى والصراحه الشب كان رائع بكل معنى الكلمه المهم خطبنا لمدة سنه وخلال الخطبه اتقنا على كل اشي من مكان العرس وشهر العسل وكل اشي وكان يغرقني بالهدايا حتى وهوا بعيد المهم بعد ماخطبنا بحوالي سنه اجى عشان نكتب كتاب وبعد هيك بدأ الوجه التاني يظهر عليه غير كل كلامو كان واعدني بأشي بخصوص العرس وانا ماحكيت اشي من منطلق انو لازم امشي المهم بعديها غير محل شهر العسل واصر على اكتر مكان انا كنت رافضاه ومشيت بس بصراحه انا حسيت حالي انو انضحك علي ...

المهم كل هاد وحكيت يلا مش مشكله بس بصراحه هوا فترة الخطبه ان يحكي معي كتيير وكان مايسكت وهوا بتغزل فيه والله كان يصحى من نص نومو حتى يحكيلي اشتقتلك اما بعد كتب الكتاب صرت انا اللي احكي معو لأنو صار يتصرف وكأنو مافي حدا بحياتو بطل يهتم فيه وصار على كل اشي يحب يجادل ويناقش بالرغم من انو بالأول كان بس اامري وانا انفذ بطل يحكي معي اي حكي حلو  الا ازا بدو اشي يعني ازا بدو مني ابعتلو صور وهيك انا الصراحه زهقت لأني انا بحب اني احس بأهتمام دائم منو زي ماكان يعمل بالأول بلش يحسسني انو احنا متجوزين وزهقنا من بعض كيف لو جوزنا عند وصرنا ببيت لحالنا شو راح يعمل انا كتير زهقت منو لأني انا لما حبيتو حبيت فيه الشخص اللي بهتم فيه بسبب ومن غير سبب حبيت فيه انو بسأل فيه بكل مناسبه حتى لو هوا بعيد حبيت فيه انو كان يحاول يعملي كل شي زي مابدي مقابل  اني اسعدو وانا فعلا ما كنت افكر مقابل التعامل الحلو اللي شفتو منو بالاول غير اني اسعدو بس هلأ لا لأني انا انخدعت.....

 هدا كلو الشق الاول من المشكله ...


الشق التاني انو مابعرف ليش كل شي بحياتي انقلب من كتب الكتاب خطيبي وابوي طبعا بعد ما كتبت كتاب بفتره بسيطه ابوي صارت عندو مشاكل بالشغل وخسر كل شي وكانت هاي بالنسبه الي الضربه القاضيه لأنو اللي اخوان بدرسو بالجامعه وابوي عم بمر بأزمه كتييير كبيره ومو ادر يعمل اشي طبعا انا ماحكيت اي اشي لخطيبي بخصوص وضع ابوي لأني مابحب انو حد ينضرلي بنضرة الشفقه وتاني اشي لأنو لو عرف راح يغير كل اشي اكتر من باب انو هوا كمان وضعو تغير بتمنى المهم اصبحت عصيبه جدا ومابتحمل منو اي كلمه ومن اي اشي بعصب وبنكد لدرجه انو صار يحكي عني نكده انا والله مو نكده بس ظروفي كتير سيئه كتير انا ماتعودت اشوف ابوي هيك ابوي وصلت فيه الامور انو عم بستلف اقساط اخواني انا مو ادره اتحمل عنجد انا كل يوم عم ببكي ومخنوئه..

 انا خايفه خطيبي يزهق مني ويتكرني من كتر النكد  وبنفس الوقت مو ادره ابين قدامو وجه طبيعي  انا مابدي اخسرو لأنو مقابل كل السلبيات اللي شفتها فيه بعد كتب الكتاب عندو ايجابيا مابمتلكها كتير شباب وهيه انو صاحب دين وبخاف الله كتير ومابشرب وماعندو اي تخبيص مع بنات وعمرو صغير يعني المستقبل قدامو ودراستو وشغلو كتير منيحه الحمد لله

بس انا مشكلتي هلأ اني كتير مضغوطه من اللي صاير مع اهلي وماعم بقدر اكون طبيعيه مع خطيبي