إهمال زوجي ..

زاد الاردن الاخباري -

قرّاء زاد الأعزاء ...السلام عليكم ورحمة الله وبركاته

أنا فتاة أبلغ من العمر 30 عاماً ومتزوجه من سبع سنوات ولدي طفلين...مشكلتي بإختصار إهمال زوجي لي كأنثى وكزوجه...يعني ما بهتم برأيي في كتير أمور بتخص حياتنا الزوجيه واللي براسه بدو يصير ...ما بتقبل النقاش وعنده قناعة تامه إنه هو الصح يعني إزا بدي أناقشه وأصمم ع رأيي يمكن توصل بينا للطلاق أنا تعودت ع شخصيته وبطلت أناقشه ...المشكلة التانيه والأهم إهماله إلي كأنثى يعني نفسي أسمع منه كلمة حلوه حتى لو مجامله أو كلمة شكراً أو يسلمو إيديكي...أنا بهتم بحالي كتير بس ما بلاقي منه أي تعليق يعني أحياناً بعمل لوك جديد ولا كأني عامله شي ولا حتى بنتبه ولما أسأله عن رأيه بحكيلي اه حلو...هلأ إلو سنه مسافر عالخليج بحاول أضل ع إتصال معه عن طريق النت وأحياناً بتفاجىْ إنه أون لاين بس ما ببعتلي أي شي إلاَ إزا أنا تحركشت فيه وبعدين بحكيلي شوي وبحكي معك لأنه بحكي مع أهلي عالنت ...أنا مو ضد إنه يحكي مع أهله وخواته بس مو لازم الأولويه تكون إلي ولولادي وبعدين يحكي يطمن عليهم أنا زوجته وعندي طفلين وهو بالغربه...وأحيانا بكون عند أهله وهو بحكي معهم عالنت وبعرف إني موجوده عندهم وما بطلب يحكي معي وبضل يحكي مع إبن أخوه نص ساعه....بصراحه أنا مدايقه منه كتير رغم إنه مو مقصر معي بالفلوس ومو مقصر مع الأولاد بشي

...شو أعمل؟؟؟