حبيبي والمال

زاد الاردن الاخباري -

مرحبا 

 

اخواني قراء زاد انا جابة اطرح مشكلتي الكم! انا صبية في عمر الربيع تعرفت على شب كتييير منيح واخلاقة ولا يمكن تكون احسن من هيك، وصارلنا سنة ونص مع بعض, بس المشكلة انو ما معه مصاري عشان يخطبني وانا والله والله مش فارقة عندي, وضعو منيح والو مستقبل بس ما بقدر يجي علصيف يخطبني ف احسن حل لقينا انوا انا وياه ندفع حق الشبكة ونصير نحوش ونتجوز مني ومنو, انا بعرف انه بحبني و بدو ياني و انا مش صابرة اضل اكتر معاه ما بدي يصير مشاكل مع اهلي.

 

انا مش عارفة هيه فكرة منيحة انا وياه ندفع كل شي ولا لأ! مع العلم انه ما حد رح يعرف شي عن الموضوع بس انا وهوه, وانا ما بقدر انساه او اتركه لانه صعب الاقي واحد متلوا بهالعالم, انا كتيير بحبو وبموت فيه و لو بدو روحي بعطي ياها. بس هاد الموضوع انا مش عارفة انه شو رأيكم انتم, لأنه والله والله لو معاه مصاري ما بستنى قرش مني بس الظروف. 

 

طبعا الشب مش مفلس بس هيك اوضاعه بدها شوي لتروق, من شان الله فيدوني