ممثل مصري يتهم مي العيدان بمحاولة تحقيق الشهرة على حساب أحمد بدير

ممثل مصري يتهم مي العيدان بمحاولة تحقيق الشهرة على حساب أحمد بدير

زاد الاردن الاخباري -

كشف الممثل المصري طارق صبري، كواليس مشاركته في مسلسل (يا أنا يا جدو) مع الممثل أحمد بدير، لافتًا إلى أنه جمعته توليفة كوميدية خاصة مع الأخير، أثناء التصوير.

وقال طارق: "مسلسل يا أنا يا جدو اتعرض برة خلال شهر رمضان، وبعد رمضان هنا في مصر، الناس انبسطت بالكوميديا الي فيه، لإنه كان كوميدي صريح مع الفنان أحمد بدير، اشتغلت معاه قبل كده في "البيت الكبير" و"دكتور أمراض نسا"، بحبه جدا على المستوى الشخصي".

طارق صبري

وعن الهجوم الذي تعرض له الفنان أحمد بدير، من قبل الإعلامية الكويتية مي العيدان، والتي وصفته بـ"الأقرع"، قال صبري: "ولا نرد المفروض، في بعض الحاجات بتحصل من (الشخوص) مش هقول الأشخاص، لإن في فرق لغوي بين الاتنين، هي هتفهمه، مش المفروض إننا نرد عليها"، وفق (فوشيا).

وأضاف: "هي حاولت تخلي الناس تعرفها شوية، فهاجمت رمز من رموزنا في الوطن العربي مش مصر بس، وهي خدت اللي فيه النصيب وسمعت إنها رافعة قضية".

وعن رأيه في الهجوم ضد الفنان أشرف زكي، بعد لقطة سجوده على مسرح معهد الفنون المسرحية لحظة تكريمه، قال: "مش عارفين هنلاقيها منين ولا منين، دكتور أشرف تأثر عاطفيا بلحظة ولاده كلهم بيكرموه في معهد الفنون وأكاديمية الفنون اللي هو رئيسها، كنا عاوزين نقوله شكرا وبنكرمه وعملنا فيديو فيه شكر واتلمينا في مسرحه، فالراجل تأثر عاطفيا فنزل سجد شكر وامتنان لربنا على ده، الناس شافوها بشكل تاني واتقال كلام كتير غريب أوي".

وأردف: "أنا بشوف إن في حاجات مش لازم نعلق عليها، وهي دي ضريبة السوشال ميديا وضريبة الشهرة، إننا لازم نلاقي حاجة نتكلم عنها لمدة يومين".

وعن جديده الفني، قال الفنان المصري طارق صبري: "مش بنام على مدار 24 ساعة بسبب عروض مسرحية روبانزل بالعربي مع مروة عبد المنعم، وعندي فيلمين كمان، الأول فيلم (18 ساعة) فاضل فيه يوم تصوير، والثاني فيلم (حفلة 9) مع الفنانة غادة عبد الرازق، فاضل فيه يومين تصوير وإن شاء الله ينزل في موسم إجازة منتصف العام".

---