اختي الصغيرة

زاد الاردن الاخباري -

السلام عليكم 

 عمري 24 سنة واحنا بنتين وحيدات لاهلي كبار بالعمر 

اختي عمرها 13 سنة و مشكلتي اني مو عارفة كيف اتعامل معاها كتير مفتحة زيادة عن اللزوم 

و بتعلق على كلشي و بتفهم بكلشي حتى السنة الماضية المدرسة اتصلت فينا و الحمدلله انا اللي رديت و بشكو من سلوكها و انها بتحكي بمواضيع حساسة مع بنات صفها  اولها اخدت اسلوب الخوف انها تخاف مني و فعلا صارت تخاف مني و تحسبلي حساب

وصرت احسها بتخبي عني اشياء بداعي الخوف و قررت اكون معها صحبة عشان اعرف قصصها 

وفعلا زبطت و ياريت ما عرفت  صارحتني بمعلومات بتعرفها انا ما بعرفها 

و كل اهتماماتها بالدنيا بالشباب و هاد امور و هداك مو حلو 

و المشكلة الاكبر انها حلوة و بتعرف انها حلوة و بتتعاكس كتير 

ضليت وراها لتحجبت و هيني بشجعها عالصلاة بتتحسن بس برضو لسا تعليقاتها على اي قصة 

زي تعليقات النسوان تعبت من سلوكها مو عارفة كيف اتعامل معاها 

و مفكرة اقنع اهلي ما تفوت جامعة لما تكبر لانو بخاف ازا هية هلئ بتعمل مشاكل و السنة الماضية اخدت انذارات و طلعت من المدرسة و هلئ هي بمدرسة تانية 

مو عارفة شو اعمل ازا انا بالبيت و بتعمل هالعمايل بخاف بكرا ازا انا تزوجت اهلي كبار بالعمر و ممكن بسهولة تخبي عليهم اي اشي لو شو ما كان كبير نفسي ازوجها و ارتاح بتخطرلي مليون فكرة جننتني ما عندها رادع انصحوني كيف اتعامل معها و شو اتصرف ؟