اريده ولا اريد المرض

زاد الاردن الاخباري -

بداية تحياتي الى كل معلقين زاد بلا استثناء مشكلتي باختصار انا فتاه مخطوبه والمفروض ان يكون زواجي بشهر 7 وقد تم الحجز للعرس وخطيبي بدولة الامارات والمفاجئه انو حكى معي امبارح وصدمني حكالي انو كان ييعمل فحوصات عشان الاقامه وتجديدها واكتشف انو عندو فيروس الكبد نوع ب وحكالي انا حكتلك لتقرري بدك اياني او لا وانا بصراحه انصدمت وحكالي انو الفيروس بفترة الحضانه وبدو علاج ورح ينتقل الي بالعلاقه الزوجيه وطلب مني افكر وانا عنجد محتارة واليوم رحت على دكتور وسالتو حكالي انو المرض رح ينتئل الي بالعلاقه الزوجيه وما الو علاج يقضي على الفيروس في علاج بساعد الكبد على اداء وظيفتو لكن مافي علاج يقضي على الفيروس يعني رح يضل حامل للفيروس و طبعا ما حكى لاهلو لانو والدتو معها ضغط وسكري وممكن ازا عرفت يصير فيها اشي وطلب مني ما احكي لحدا

انا شو اعمل حكيت طيب ازا كنت متزوجتو وانصاب بالمرض اكيد ما بتركو بوئف جمبو طيب انا هلا لسه ما تجوزت ولا انكتب كتابي المفروض ينكتب الكتاب اول 7 والزواج نص 7 وانا خايفه وممكن ازا انتئل الفيروس الي تظهر علي الاعراض يعني ممكن جسمي يقاوم وممكن لا ونهايتو ازا ما تعالج تشمع الكبد والوفاه انا والله ما بعرف شو اعمل ما بدي اتركو وبنفس الوئت ما بدي المرض ينتئل الي وانا استخرت بس لهلا مو ادرة اخد قرار بدي تساعدوني وتنوروني بارائكم