أحمد السعدني عن مسلسله مع زينة "اللّي بيحصل ده مهزلة".. ما القصة ؟

أحمد السعدني عن مسلسله مع زينة "اللّي بيحصل ده مهزلة" .. ما القصة ؟

زاد الاردن الاخباري -

قام الفنان المصري أحمد السعدني بشن هجوماً حاداً على الشركة المنتجة لمسلسله الجديد الذي يخوض به سباق الدراما الرمضاني المقبل.

و نشر السعدني منشوراً عبر حسابه الشخصي على تطبيق التواصل الاجتماعي (فيس بوك)، وجاء فيه: "الحقيقة أنا عمري ما عملت مشكلة في شغلي وعمري ما اختلفت مع زمايلي إنما أنا اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف"، وفق (لها).

وأضاف" أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كأنها شتيمة على احترام مهنتنا ومواعيدنا ومذاكرتنا وتحضيرنا للشغل احترامنا للكلمة قبل العقد".

وأردف: "للأسف شركة الإنتاج ملتزمتش معايا باتفاقهم اللي على أساسه وافقت أشتغل وكان شرط أساسي لقبولي الشغل معاهم والحقيقة أول مرة أشوف تصميم دعاية عمل فني من أفيشات وبرومو بتعمله زميله في العمل، طول عمري كنت فاكرها من اختصاص شركة الإنتاج".

واختتم بالقول: "الحقيقة أنا ضهري في الحيط أكمل واقبل بالعبث ده عشان باقي الزملاء الفنانين والفنيين المشاركين في العمل اللي ملهمش ذنب، والا اقعد في بيتنا واكتفي باللي صورته وأطلب من النقابة تجيبلي حقوقي المادية وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة".

وكان السعدني قد أعلن احتمال انسحابه من الموسم الرمضاني لهذا العام، إذ كان من المرجح أن يشارك في مسلسل "كله بالحب" مع الفنانين: زينة وصابرين وهالة فاخر ومصطفى درويش ومحسن منصور وريم البارودي وسامر المصري، وهو من تأليف ورشة أحمد الشخيبي، وإخراج عصام عبدالحميد.

---