أحمد زاهر يعلن تضامنه مع المخرج محمد سامي

أحمد زاهر يعلن تضامنه مع المخرج محمد سامي

زاد الاردن الاخباري -

انضم الممثل المصري أحمد زاهر، لحملة دعم المخرج محمد سامي بعد الهجوم الذي تعرض له من قبل بعض زملائه من الوسط الفني وعدد كبير من الجمهور عبر مواقع التواصل الاجتماعي في أعقاب قرار إيقافه.

وعبر زاهر على صفحته على موقع التواصل الاجتماعي (فيسبوك)، "أنا مش ضد قرار المتحده لأن أكيد ده له أسباب و في سبيلها للحل بإذن الله أنا ضد حمله التشويه البشعه لسمعة وشخص محمد سامي اللي بيقوم بيها بعض الزملاء وبعض اللجان الإلكترونيأنا ضد تشويه سمعة أي حد مش بس محمد سامي"، وفق (فالفن).

وأضاف زاهر "الراجل ده أنا أعرفه من ١١ سنة و اشتغلت معاه أكتر من خمسة أعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي، ولن أنسى أن له هذا الفضل هو اللي خلاني أخس ١٠٠ كيلو عشان تمسك بيا في مسلسل حكايه حياة و ده الدور اللي غير حياتي و تتوالي بعده كم نجاحات و كلها معاه و أخرها فتحي في البرنس و دي كانت نقطة تحول تانيه في حياتي".

واختتم زاهر "تفتكروا اللي شفت منه كل الخير والإحترام والتقدير والموهبه و النجاح ده كله مكنش جنبه وأدعمه أنا مفيش في إيدي حاجه أعملها غير إني أقول شهادة حق يعلمها الله سبحانه و تعالي وعاوز بس أفكركوا إن محمد سامي هو نفس المخرج اللي سقفتوا له كل السنين اللي فاتت و من منا بلا خطيئه".

وكانت الشركة المتحدة للخدمات الإعلامية أعلنت في بيان أنه قد تم اتخاذ قرار بوقف التعامل مع المخرج وكاتب السيناريو محمد سامي.

وفي أعقاب القرار انتشرت تعليقات سلبية من قبل بعض الفنانين ومن قبل الجمهور أيضا تجاه الأزمة.

---