حلا شيحة ترد على والدها بعد هجومه على زوجها معز مسعود

18-07-2021 06:15 AM

زاد الاردن الاخباري -

عبرت الممثلة المصرية، حلا شيحة، عن رفضها التام لتصريحات والدها الفنان التشكيلي أحمد شيحة، بشأن وقوف زوجها الداعية والمنتج الفني معز مسعود، خلف آرائها الحالية واعتزالها الفن، وتلميحه إلى أن زوجها وراء اختطافها من الفن.

وقالت حلا شيحة، في منشور عبر حسابها في موقع ”إنستغرام“: ”الحقيقة مصدومة من الكلام اللي والدي قاله عن زوجي اللي اتجوزته بكامل إرادتي والحمد لله لقيت معاه كل المعاني الجميلة من احترام ورجولة وشهامة نادرة الأيام دي وأنا لم يخطفني أحد كما قال والدي والكلام ده لا يصح أبدا“.

ورأت حلا شيحة، أن زوجها دائما ما يساعدها ويساندها ويحترم رأيها، مضيفة: ”هو أكبر بكتير من كل الكلام اللي بيتقال عليه وافتراءات مش صحيحة وهو أبعد ما يكون عنها“.

وشددت شيحة، على أنها لن تسمح لأحد بالحديث عن أي تصور خاطئ بشأن زوجها، موضحة أن زوجها له رؤيته الواضحة في الدين وحتى في الفن، مؤكدة أنه لا ينتمي لأي جماعة بينما يمثل نفسه.

وأضافت بلهجة حادة: ”هو في إيه في بلدنا الأيام دي، بنحارب ونصارع في بعض وعايشين في قصص وهمية من نسج خيالنا عن بعض.. هو خلاص أي حد يتكلم بلغة الدين لازم يبقي متطرف أو إخواني هو مبقاش في مسلمين وسطيين طبيعين هو ليه كل أنواع الهجوم ده علي أي حد“.

وعادت شيحة، للحديث عن والدها، بقولها: ”أنا زعلانة من والدي جداً لانه يعرف معز كويس جدا وقعدوا مع بعض كتير ووالدي يحبه جدا وشاف منه كل خير“.

وأشارت حلا، إلى أن زوجها معز مسعود، مثلها تزوج في الـ14 من عمره ولديه ثلاثة أولاد، مضيفة: ”وعمره ما كان بتاع ستات زي ما بيتقال كلام لا يليق أبدا وفي الآخر زيي لم يكمل جوازه وحدث الطلاق وكلنا معرضين لده طبيعي إنه كان بيحاول زي أي راجل محترم إنه يلاقي استقرار في حياته في الحلال ومتوفقش أكتر من مرة ودي مش حاجة تعيب أي حد“.

وتابعت: ”والحمد لله اتقابلنا وتلاقينا لأن ظروفنا قريبة جدا وعندي أولاد مثله وأولادنا شبه بعض الحمد لله واستقرينا إحنا الاتنين ليه ده يزعل الناس بدل ما ندعي لبعض بالخير بقينا نتصيد لبعض ونخوض في اعراض بعض هو حصل في مجتمعنا ده إحنا جرالنا إيه“.

واستطردت: ”في الآخر بوجه كلمة لوالدي الحبيب ان لا يصح ابدا كلامك مع كامل احترامي لك وللجميع“، مختتمة: ”أنا الحمد لله سعيدة في حياتي ومع زوج أتشرف إنه زوجي وبعتز بيه وإحنا أصدقاء قبل أن نكون أزواج وكل كلمة أكتبها وقلتها نابعة مني وأنا متدينة بطبعي زي أي ست مصرية بتحب دينها وده لا يعيبني.. وتديني اللي بدأ من أكتر من 15 سنة من المنطقي إن معز مش هو سببه مش محتاجة حد يخطفني او يكتب عني او يوجهني.. هذا كلام لا يليق“.