شاهد: رضوى الشربيني تحدث ضجة برسالتها للرجال

شاهد: رضوى الشربيني تحدث ضجة برسالتها للرجال

زاد الاردن الاخباري -

قررت الإعلامية المصرية رضوى الشربيني أن تتخذ خطوة جريئة وتقف لجانب الرجال، على الرغم من أنها ملتزمة بعنوان برنامجها "هي وبس" وتقدم نصائحها دائما للنساء فقط، واغلبها عن كيفية التخلص من "قهر الرجال".

و وجهت رضوى نصيحة مباشرة للرجال حول أقصر الطرق للوصول إلى قلب المرأة، حيث نشرت صورتين لها بملابس بيضاء عبر صفحتها الرسمية على موقع (فيس بوك)، وعلقت عليهما قائلة: "أقرب طريق لقلب الست إنك تطلع راجل!! وتلقت رضوى تعليقات مثيرة من الرجال فردد أحدهم شائعة تقول وانتي 13زواج و9مرات خطوبه ومفيش ولا راجل فيهم، وعلقت عليه رضوى قائلة: "وايه كمان ما هو يا تجددوا يا تفكروا"، وفق (سيدتي).

وعلق متابع آخر بأن الرجولة ليست ضمن حسابات المرأة في الزواج ولكن الاعتبار الأول للثروة قائلا: لو راجل ممعهوش فلوس ولا حد هيبصله، الناس بقيت ترمي بناتها من اجل الفلوس ونسيوا يشتروا راجل ودا دليل كافي لنسب الطلاق، وردت عليه الشربيني: مش كلهم طبعا.

و يذكر أن رضوى نفت مؤخرا صحة الشائعات المتداولة حول زواجها سرا من زوج زميلة إعلامية، مؤكدة على أنها لا زالت مصرة على موقفها وترفض أن تكون "زوجة ثانية" ولن تتزوج سرا، وبمجرد زواجها ستعلن الخبر بنفسها لجميع متابعيها.

وأضافت رضوى الشربيني" الحقيقة أن أنا بقالي خمس سنين في برنامج "هي وبس"، وبيتقال عليه كلام كتير أوي وبيطلع عليه إشاعات مرة ناس جوزتني 13 مرة، وأرقام غريبة ومرة من فلان".

وتابعت" الحقيقة أن بقالي خمس سنين ونص بسمع كلام مش محترم وغلط، وبيطلع عليه إشاعة كل اسبوع أو شهر، وكل الي اتقال عليه خلال خمس سنين كنت مش بعلق ولا بتكلم مهما حصل ومهما اتقال لكن خلاص".

وواصلت قائلة: "كنت مش بتكلم لأن طول الوقت بقول أن ربنا موجود وهيبن الحقيقة واللي عايز يحبني أهلا وسهلا واللي مش عايز هو حر، ولكن أنا اتفأجات بإشاعة غريبة جدا وكلام مش عارفة اتقال ليه، والإشاعة دي مش تخصني أنا لوحدي وعشان كده طلعت أتكلم".

وأضافت" عايز أقول لكل الناس اللي بتحبني أو مش بتحبني أنا مش مرتبطة ولما هرتبط كل الناس هتعرف عشان أنا مش الست اللي بتعمل حاجة في الخفاء، والجواز مش حرام ومش عيب بس أنا لا أقبل اتجوز راجل متجوز ولا أحب أكون ضرة وفي ستات تقبل بس أنا مش عايزة".

---