شو اعمل تعبااااااانة ..

زاد الاردن الاخباري -

طالبه جامعية 

بحب شب من 3 سنين...أهلي بيعرفو كل شي انا ما بخبي عنهم شي

الشب اكبر مني بسنتين معي بنفس الجامعه بس مش نفس التخصص هو ماجستير

يعني شو النهاية الطبيعيه للحب الصادق؟؟ الارتباط صح؟

مش عارفه ليش بس افتحلو هدا الموضوع بيجن جنانه وبيعصب علي وبيتنكد

قال انتي لما حبيتيني كان هدفك اني اخطبك معناها بتحبيني لمصلحة !!

قال ما بقدر اوعدك وما يصير نصيب وتحكي انه ضحكت عليكي

هو بيحبني وبيخاف علي وما اله علاقات مع بنات

بس موضوع الخطبه بيحكيلي ما عندي جواب

وازا خطب رح يخطبني انا وازا ما خطب ما رح يتركني الا ازا انا تركته..طيب كيف؟؟

انا السنه الجايه رح اتخرج يعني لازم اعرف شو رح تكون نهاية هالعلاقه حتى اعرف كيف بدي اتصرف

حتى اهله ما بيعرفو انه بيحب اصلا

لو اعرف انا عنده نية يخطبني رح استناه طول العمر

بس لما اتخرج اهلي ما رح يخلوني استنى كتير

حتى بس ييجيني عريس بيحكيلي لساتك صغيرة ليش بدك تخطبي من هلأ بكير

قال ما معه مصاري يخطب

انا ما بدي يخطبني هلا ...يعني كمان سنتين منيح..بس هو شكله مش ناوي اصلا

وبعدين اهله موجودين ووضعهم منيح

واصلا انا ما بدي شي .. بس بدي اعيش معه طول العمر

هو كمان رح يخلص السنه الجاي

ويمكن يسافر لسا ما بيعرف شو رح يصير

او يمكن بيعرف وما بده يحكيلي حتى ما ازعل !!

ما بعرف حاسه حالي ضايعة

انا بحبه كتير ما يقدر اعيش بدونه

وهو كمان بيحبني بس ما بعرف وين المشكله .. بظروفه زي ما بيحكيلي ولا فيه ولا بحظي اللي عمره ما وقف معي ولا بشو

حاولت كتير معه بس ما في فايدة

انا تعبااااااااااااااااانه

اخر مرة ناقشته فالموضوع حكالي انا هدا وضعي فكري وقرري شو بدك ورديلي خير

شو اعمل ؟؟؟؟؟؟؟؟