شكــراً زاد

زاد الاردن الاخباري -

السلام عليكم قراء زاد الكرام طبعا انا كتبت قبل شهر مشكله او هو موضوع حيره مش مشكله المهم طبعا كان عن موضوع زواج من مدرس وظروفو عاديه ....الخ

طبعا كنت محتارة وانتو بحكمتكم وارائكم ساعدتوني وريحتوا بالي الله يريح بالكم وازا كنت وقتها متردده اقنعتوني بوجهات نظركم سواء ايجابيه او سلبيه وانا اتقبلت الجهتين..

هلا مابدي اطول عليكم واحكيلكم انو الشب اتقدملي قبل فترة وتمت الموافقه وقرأه الفاتحه والخطبه كمان اسبوع..

فانا حابه اشكركم من كل قلبي واشكر موقع زاد اللي فتح الي مجال انو اخد بنصيحه اخواني واخواتي بالموقع والله انو انتو الكم دور كبير جدا بتغيير تفكيري لانكم وضحتولي شغلات كانت تايهه عني وكانت شغلات سطحيه متل انو مدرس وفرق الطول عالرغم انو جميل شكلا وهاي الامور وخلتوني اطلع بمنظور تاني والحمدلله كلامكم صح لاني شفت الجانب التاني للانسان ولقيت انو جدا رائع وبيكفي الاخلاق ومخافه الله والعقل الحكيم ..

اسفه طولت عليكم بس بتمنى للكل الخير وطبعا كلكم معزومين