لماذا الارتباط صعب؟

زاد الاردن الاخباري -

انا شاب مغترب ، وإجازتي سوف تبدأ خلال اسبوع، وأفكر بالأرتباط، لكن لدي مشكلة ، مشكلتي صراحة قد تبدو سخيفة للبعض، ولكن أنا لم ألتقي بفتاة مناسبة طوال عمري، وما خضت تجارب وعلاقات، وانا صراحة حاب أرتبط بفتاة جميلة جداً وهاد شرط أساسي طلبته من والدتي، وما عمري تقدمت لبنت ، يعني أمي كبداية رشحت بعض البنات من الاقارب ، وانا رفضت الفكرة أساساً لأنه صراحة مش على قدر من الجمال اللي ببحث عنه، المشكلة إنه البنات تغيروا، يعني بحكي من قهري ، والله نفسي التقي ببنت على قدر من الجمال وما تكون عملت علاقات مع شباب، أو اللي بتكون حلوة كثير بتكون قوية وقد حالها زيادة عن اللزوم، انا ما بحب أزور بيوت الناس وما تعجني أو ( أنا ما أعجبها ) وما أرجع عليهم حتى ما أجرح شعورها، بس كيف ممكن الأنسان يلتقي بالشريكة اللي رسمها لحياته؟ هي صار عمري 29 وما التقيت فيها؟ ليش البنات صاروا جريئات زيادة عن اللزوم ، تلفونات وضحك بصوت عالي وأرجيله ومش عارف شو كمان، نفسي أطلع على بنت تخجل وتحط عيونها بالارض ، مش تصير تضحك بصوت عالي مع صاحبتها على موضوع سخيف، احنا بنعاني من مشكلة بمجتمعنا الاردني وهي فقدان الانثى لأنوثتها المرتبط بالخجل والحياء، بالعكس بنشوف بنات أقوى من الف رجل وبيحاولوا يقارنوا نفسهم بالرجل وكأننا في حرب، يعني انا بحب الجمال بكل شي و من حق الانسان يطلب شريك حسن المظهر والهيئة وما حدا بيحكي وبيختلف انه تكون صاحبة دين وخلق، مش عارف هل كل الشباب بواجهوا هاي المشاكل عند اختيار شريكة الحياة؟ بعرف انه في شباب المهم يتزوج ، حلوة أم عادية مش مشكلة وهي في النهاية اذواق، بس ليه البنات تغيروا ، لو نرجع عشر سنين لورا ، بنلاحظ انه البنات كانوا اركز من هيك، سؤال أخير: كيف ممكن الأنسان يلتقي بالشريك اللي راسمه بمخيلته؟