عمر كمال بعد اتهام بيكا له بالبخل والتكبر: زعلان منه جداً

عمر كمال بعد اتهام بيكا له بالبخل والتكبر: زعلان منه جداً

زاد الاردن الاخباري -

أثار الثنائي عمر كمال وحمو بيكا. ضجة كبيرة بعدما ظهر بيكا في بث مباشر عبر صفحته الخاصة على فيسبوك. مهاجماً كمال واتهمه بالتكبر بسبب عدم رده عليه.

وعلق عمر كمال على هذه الأزمة في تصريحات خاصة لـ”الوطن”: “كل اللي حصل وكان سبب خلافي الأخير مع حمو بيكا هو إن فيه أغنية سجلناها فالأغنية دي مسجلينها من بدري فلما جه ينزلها الأغنية أصلاً قدمت والإفيه قدم”.

وأضاف عمر كمال: “قلت له ياحمو بلاش ننزلها ونشوف أغنية تانية تكون أحسن فهو مصمم ينزلها. ولما نزل الأغنية أنا ماشيرتهاش لأني مش عايز الناس تسمعها علشان هيتحسب عليّا إني نزلت غنوة والأغنية مش حلوة من وجهة نظري”.

وأردف كمال: “أنا كنت عارف إن الغنوة دي مش وقتها وهو مافهمش ده. فلما ماشيرتش الأغنية هو طلع اتكلم عليّا. أنا عمرى ما اتكبّرت على حد. أنا صحابي لما بييجي شغل في بلاد تانية ومش عارفين يوصلوا لهم أنا بوصّلهم بيهم وكان آخرها حفلات لبنان اللي كان فيها حمو”.

وعن وصف بيكا له بالبخيل. قال: “طالع يقول عليّا بخيل. أنا أكتر واحد بصرف على شغلي مش معني إن أنا وهو طلعنا عملنا فيديو هزرنا فيه إن أنا أكون كده.. زعلان منه جداً”.

يشار أن بداية الأزمة كانت أن حمو بيكا ظهر في بث مباشر عبر صفحته الخاصة على فيسبوك. هاجم فيه عمر كمال وقال إنه حاول الاتصال به أكثر من 7 مرات ولكنه لم يرد عليه: “بقى يشوف نفسه على الناس”.

---