فتاة من الماضي

زاد الاردن الاخباري -

أريد حلاً

بأختصار انا شاب عمري 28 سنة، حبيت بنت من ايام الجامعة لما كنت طالب، تخرجنا من حوالي 6 سنوات وافترقنا، مع العلم انه طوال فترة الجامعة ما حكيت معها ، وما كنت احكي مع بنات، فقط حب من طرف واحد وما بعرف شو شعورها تجاهي، وبجوز أصلا مش شايفيتني وما بتعرفي، بس هو شعور داخلي والتقاء أرواح ، يعني كنت حس انه في شي بينا، طبعا كوني كنت طالب وما كنت مهيأ انه ارتبط ، ما تجرأت وحكيت معها، مشت الأيام و وضعي الحمد لله ممتاز حاليا، بس مش عارف ارجع وأبحث عنها أم لا؟ مع العلم انه من خلال الفيس بووك عرفت انها مش متزوجة بس هي بمثل سني يعني 28 سنة. انا صراحة طوال هالفترة ما فكرت فيها، بس لما اجيت ارتبط خطرت ببالي، ولما شفت صورتها اشتقتلها وكمان حزنت عليها لأنها ما تزوجت، مش عارف شو اتصرف، أبعث أمي عندهم، أروح والتقي فيها، أنسى موضوعها، محتار جداً.