كل مابحاول احبهم بكتشف فيهم خصال بتكرهني فيهم ؟؟

زاد الاردن الاخباري -

مشكلتي هي حماتي وبنتها .انا متزوحه من سنتين وعندي بنت صغيره عمرها 5 شهور تزوجت انا وزوجي عن حب .
هلا المشكلة انه كنت ساكنه مع دار حماي بنفس البيت وكان ابنهم معنا بنفس البيت ومو صغير عمره 40 سنه .لانه ببداية زواجنا كان صعب نعيش لحالنا
المهم دار حماي ناس مزاجين والام الكبيره انا مو عارفه لهلا افهم شخصيتها .
كتير بخيلة مو بنت غز ابدا وبتستكتر كل اشي في ايدنا على مستوى بس طلعنا من عندها بدل ماتجيبلنا اشي كانت تاخد منا ولليوم الي سنتين متزوجه ماشفت منها اشي سواء لبنتي او إلي .
هلا مو هاي المشكلة انا طلعت من عندهم على مشلكة بسببها وواللللللللللله بدون سبب .فجاه قررت هي انا نترك البيت وطرتنا لانها بدها بنتها تضل خري مري عليها وحكتلنا بالحرف الواحد اطلعو برى وبنتي واولادها صدر البيت الهم بدها بنتهاواولادها يضلوا عندها بالبيت وانا ممنوع اسكر غرفتي علي لانه بهيك قله احترام لبنتها قال..وبحرج جوز بنتها بس يجي يزورهم لازم ماافوت على غرفتي بلاش يفكر اني متدايقه منهم .
وانا مابحلف كذب خلقت مشكلة من ولا شي وطردتنا والله اعلم من وين دبرنا حالنا والله بعدين فرجها واثثنا احلى بيت ومرتاحين وانا نسيت كل شي ورجعت انا راضيتها على شو مابعرف وانا نهائيا مابحقد.
المهم هلا بيعاملو بنتي غير عن الكل وانا زي الخدامه بس اروح عندهم .الموضوع انهم كتير بيسمعوني حكي على اتفه الاسباب وبس يجيبوا اشي لبنتي انا اصلا مو موصيه عليه بدهم حسابه حتى لو شلن .وبكل وقاحه بتقلي بدها تجيب هديه لبنتي لبسه العيد من محل ستوكات .دون عن كل احفادها .
انا شو اعمل مع هيك بشر وزوجي مابدخلو مابدي يخسر اهله بس معاملتهم النا إنا ولاشي وغير عن الكل صارت واضحه .حتى انهم بس نروح نزورهم بيطلعو كانا مش موجودين .شو اعمل ابطل اروح عندهم ولا اجاوبهم ومااستحي .ومابدي اخسر زوجي او يخسر اهله ؟