مبروك عطية يعلق على هروب سما أحمد من حفل زفافها - فيديو

مبروك عطية يعلق على هروب سما أحمد من حفل زفافها - فيديو

زاد الاردن الاخباري -

ردّت الإعلامية المصرية سما أحمد على الأنباء التي راجت بشأن هروبها من حفل زفافها قبيل عقد قرانها.

وكشفت سما أن والدتها كانت متعبة منذ مدة، وأصيبت بجلطة، فأرادت الاطمئنان على ابنتها، وطلبت منها أن تتزوج أحد الأشخاص فقبلت بسبب ظرف والدتها الصحي، حتى تشعر بالارتياح.

وأضافت الإعلامية المصرية أنها لم تتعرف جيدًا إلى خطيبها، فعرضت على والدتها أن تتيح لها فرصة من خلال فترة الخطوبة للتعرف إلى شريك حياتها، إلا أن والدتها رفضت وطلبت أن تتزوج مباشرة.

وتابعت سما إبراهيم: ”في 10 أيام اتفقوا هنكتب الكتاب ونجيب الفستان، ولقيت نفسي بتجوز وأنا ماتكلمتش معاه ساعتين على بعض“.

ولفتت: ”أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتدهور“.

وأكملت سما إبراهيم حديثها: ”أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولت له قدام الناس أنت شخص محترم وجميل، وفيك كل الصفات الحلوة، أنا آسفة أنا مش قادرة أكمل“.

واختتمت: ”أخدت فستاني ومشيت ومش قادرة أواجه حد، الدنيا اتقلبت وقالوا هربت، بس أنا مهربتش ولا عملت دا عشان أركب التريند، مش هركب التريند على حساب نفسي“.

من جانبه علّق الداعية المصري الدكتور مبروك عطية، رئيس قسم الدراسات الإسلامية بجامعة الأزهر، على واقعة هروب الإعلامية سما أحمد من زفافها قبل عقد قرانها بلحظات.

وقال عطية، خلال بث مباشر على يوتيوب، إن هروب المذيعة أسما أحمد قبل زفافها بلحظات موقف اتخذته في وقت غير مناسب، مضيفاً: ”مفيش شاب ولا شابة بيتجوز من باب بر الوالدين، محصلتش في العالم“.

وتابع: ”أخذت موقفاً في غير وقته، واحنا بنتقابل كل يوم مع أغبياء يدخلون النار، كان قبل المأذون ما يجي بيوم يومين، كنتي قلتِ له: مفيش نصيب، أنا بتمنى لك الخير وأكيد أنت بتتمنهولي، الراجل هيكون خد شفطتين من كباية شاي، هيسيب الباقي ويمشي معزز مكرم، يبحث عن غيرها بدون فضايح“.

شاهدوا الفيديو :

---