شو اعمل ..

زاد الاردن الاخباري -

السلام عليكم 

يمكن المشكلة الي رح اطرحها ما بتتعلق فيي بشكل شخصي 

انا بنت عمري 25 و بعطي دروس خصوصية 

لطلاب التوجيهي و فيه عنا بنت جيرانا  شاطرة كتير و كنت اعطيها دروس بدون ما تدفع و خلال ما بعطيها الدروس عرفت انها ما الها نفس حتى تكمل توجيهي لانو هم 7 بالبيت و ظروفهم كتير صعبة و عالفاضي ضليت وراها و  بحكيلها لو اهلك ما قدرو يدرسوكي لازم تنجحي و فعلا نجحت و جابت  96 ما كنت متوقعة تجيب هالقد و فرحتلها كتير بس لما زرتها بالبيت بعد النتيجة لقيتها بتعيط و صراحة اثرت فيي كتير ما عرفت شو بدي احكيلها كنت دايما اشجعها و هيك و هلئ حاسة حالي ما ضل اشي ممكن اساعدها فيه  

هي دايما بتسألني و بتستشيرني شو تعمل انا هلئ حاسة اني املتها انو رح كلشي يكون حلو بس تنجحي و الدراسة بتدبر و من هالحكي 

بس هلئ حاسة اني كسفتها لاني جد مو ملاقيتلها اي حل 

مو عارفة شو اعمل