أحبه ومو قادره ابعد عنه

زاد الاردن الاخباري -

 

السلام عليكم 

اول شي اعزروني لاني رح اطول بالكلام 

 

انا عمري 20 سنه 

 

خلصت توجيهي وسار شويه ضروف ما كفيت دراستي المهم بإزن الله الفصل هادا رح اكفي دراستي 

 

اتعرفت ع شاب بعد ما خلصت توجيهي 

 

ع اساس انه اصحاب واصدقاء وبعدها خبرني انه بيحبني وانا كنت كتير متعلقه فيه وحابه يحكيلي انه بيحبني 

 

وحبيته كتيييييييييير من ألبي حبيته 

 

مشكلته الوحيده انه قدي يعني عمره 20 سنه وغير هيك هوي وحيد أهله يعني ابوه وامه ما عندهم الا هو شاب والو 5 اخوات 

ضروفه مو منيحه كتير وكمان هوي هلأ بيدرس 

 

سار بيني وبينه كتير مشاكل وكتير بعدنا عن بعض 

 

بس شو ما كانت المشكله بنرجع بنتصالح 

وما بنقدر نبعد عن بعض 

 

المهم مره اتخانئنا وحبيت اعرف اخباره 

 

طبعا انا ما بدي اصالحه 

 

رحت لاختي الكبيره وحكيتلها عن علاقتي بهادا الشاب 

 

طبعا احنا عنا التزام يعني ما في قصص شباب وهيك شغلات 

 

اختي الكبيره عصبت مني كتيييييير وهددتني ازا ما بعدت عنه رح تخبر بابا 

 

وال شو ازا بده ياكي بيجي بيخطبك 

 

طيب الشاب قدي وضروفه صعبه ومن البدايه اطلعني ع وضعو 

 

شو أعمل مشاااااااان الله مو حابه اخسرو وبنفس الوقت ازا بابا عرف بالموضوع ممكن ما أكفي دراستي 

 

بترجاكم ساعدوني