حماتي تعبتني

زاد الاردن الاخباري -

أنا مشكلتي بتتلخص انه أنا في بلاد الغربه في السويد وحملت وانتم بتعرفوا صعب الوحده تنزل عشان إتخلف بالأردن كان نفسي أجيب أمي لعندي بس خوفا من مشاكل دار حماي ما قدرت أجيبها وإيجت حماتي لعندي على أساس تقوم فيه وبالولد لأني ما عندي أي خلفيه كيف ابلش بالصغار وهاي اول بطنه لإلي 

المهم شرفت عندي ومن اول يوم طلعت فيه من المستشفى صارت بدها ياني أعمللها فطور وعملتها غدى مع انه خلفتي كانت كتير صعبه، وما بعد الخلفة من آلام الله لوحده بس بيعلم فيها وغير الوضع النفسي يلي صابني 

وبلشت أعمللها فطور و غدى و عشا وانظف البيت ويا ويلي اذا انسيت أعمللها قهوه ولا شاي بتصير تصيح علي وانا متل الهبله ساكته خفت ارد عليها تعملي مشاكل لانها ما بتخاف الله لانها حاكمه أولادها أنا الكنه الثامنه 

ولا حدى من أولادها بحكيلها لا وأولهم زوجي ومع هيك ما حدى خالص من مشاكلها 

وبعد ٨ ايام من خلفة دخلت مستشفى صابني الآم بظهري وبلشت اتملي راس زوجي انه أنا بدلع وبغنج عليه ومن هدا الحكي الفاضي 

وإلي فاقعني انه أنا بغربه ومو خالص من مشاكلها 

 

 

بجوز اذا حكيتلكم انه أنا مهندسه وجوزي مهندس رح تحكولي شو هل شخصيه يلي عليكم 

بس شو اعمل والله مشاكلها كتيره ووحده من سلفاتي اطلقت وتنتين اتجوزوا عليهم جيزانهم 

اهلي لما سألوا عنهم حكوا عنهم الناس انهم محترمين بس جابوا سيرتها انها قويه 

وهلا ناويه تيجي عندي وتقعد ٦ اشهر وتخططلي هيه حياتي شو اعمل حتى اتقي شرها