زوجي أم هو !!؟

زاد الاردن الاخباري -

انا شابه متعلمه متزوجه وعندي 3 اولاد .. تزوجت وانا عمري 18 سنه، لأنه عندي 8 اخوات والحاله الماليه والأسريه كانت مش مستقره ، لكن للأسف بعاني مع زوجي من اول حياتي باللامبالاه وقلة الدين وقلة الاهتمام لا في بيته ولا في الاجواء المحيطه في زوجته،يعني ما عنده غيره ومش مهم وين رحتي المهم شو جبتي،

اتعرفت على انسان دخل حياتي متزوج وملتزم وحبني وصار ينفق على بيتي ويساعدني بالتزاماتي وزبطت اموري مالياوكملت دراستي ،وصار بعنيلي كل اشي،بخاف علي وبغار علي حتى من زوجي،وانا ما بنكر انه جوزي مسكين وعلى البركه بس عديم الأحساس والمسؤوليه،وبعيد عني وعن اولادي بسبب غباؤه وعدم اهتمامه بالبيت ناتج عن صحاب وشباب وقلة وعي وديون وقروض ومشاكل بيني وبينه بسبب سوء ادارته وقلة وعيه .. لأنه صدقا ابوه كمان واخوه فيهم نفس الجينات ..

انا انسانه والحمدلله مكتفيه ماليا وبقدر استغنى عن الانسان اللي عرفته، وحاولت بس مش قاده لأنه هو عقرب ساعة حياتي وصارلي بعرفه من 8 سنين، طلبت الطلاق من جوزي وما وافق وبضل يبكي لما بحكي اني مش قادره اكمل معه، بس انا مش قادره اعرف انا لما بختار الطلاق عشان اشتري ديني ن واعيش بالنور مع انه معي شريكه، بس معي انسان بخاف الله راعاني وراعى بيتي وعملني من ولا اشي ، ولا اختار اعيش ادام الناس ببيت وسياره وشاب وادام الناس وضع اسري طبيعي ، وانا بيني وبين حالي خاينه وعايشه بخير انسان حبني واعطاني وفتح بيتي وانا على ذمة رجل تاني بس من باب اني ما احتاج حد .. احكولي شو الصح وشو الحل ؟؟؟؟؟؟؟؟؟؟؟؟