أعيش لحالي واخلص

زاد الاردن الاخباري -

سلام للكل أنا عمري ٢٦ سنه وعايشه في دبي مشكلتي بالنسبة للكتير رح تكون بسيطه بس أنا متدايقه منها ومغلبيتني كثير

ايلي ٣ سنين متزوجه وعايشه بالغربه وما اتعرفت غير على ٣ جارات بصراحه هنه محترمات بس كتير بتدايق من تصرفاتهم كل ما بقعد معهم يصيروا يدهم اياني البس نقاب بنظرهم انه أنا كتير حلوه ولازم اغطي وجهي على فكره أنا بلبس جلباب و٢ من خواتي منقبات وبحترم كل وحده منقبه بس مو مقتنعه اني البسه وحتى زوجي كمان رافض فكرة النقاب ، بنظره لأني محترمه حالي ولابسه لباس محترم فلشوا اغطي وجهي وخصوصا كيف رح اروح على مطعم

المهم صاروا جاراتي ما بحبوا يشوفوني او نجتمع مع بعض إحنا وازواجهم بالحديقة مثلا للعلم إحنا ما بنقعد جلسات مختلطه ولما زوجي عزمهم برمضان ما ردولنا العزيمه علشان اقطع علاقتي معهم

حاولت اقطع علاقتي معهم بس برجع من الوحده و قلت الناس أتعامل معهم و ايلي سنه على هيك حال

بدهم اياني البس نقاب للعلم انه في وحده من جاراتي ما بتلبس جلباب ولما احكيلها طيب انت البسي جلباب بعدين إنصحيني للنقاب بترد علي انه أنا غير وضعي وانت حلوه والنقاب للحلوات

لا تفكروني بمدح بحالي لأنكم ما بتعرفوني بس جد بلشت أضجر من هدا الموضوع وأقرف من قلت معاملة الجارات لإلي