منشان الله ساعدوني

زاد الاردن الاخباري -

اول شي السلام عليكم تاني شي بتمنى انكون تساعدوني بدون ماتاخدو الموضوع بسخريه..

انا صبيا عمري 19 سنه بدرس بالجامعه واكيد البنت لما بتكون بالجامعه بتحب تلبس على الموضه وتكون ماخده حريتها بطلعه بدخله .....الخ بس مش هون المشكله المشكله انو ماما مابتعطيني اي شي من الي حكيتو دائما مابتحب اني البس على الموضه وبتسير تحكيلي هاد عيب وهاد مش حلو ومابعرف شو حتى المصروف بتسير تتدخل فيه تاني شي ازا بدي اطلع برى البيت لازم تعرف وين بدي اروح بالزبط وشو بدي اعمل وبتعطيني وقت محدد كمان يعني بتحكيلي ساعه وحده او ساعتين وبترجعي ازا مابترجعي على الوقت بسكر الباب وبخليكي برى ودائما بتحسسني اني بنت صغيره ومابقدر اعتمد على نفسي وكل شغله لازم تتدخل فيها وبصراحه انا حكيت لصبايا الي معي قصتي نصحوني اني اهرب من عندها واجي اسكن عندهون بالسكن بس والله انا هلأ محتاره ارد عليهون واهرب ولا لا يعني بجد حياتي مش حلوه يعني بجد كتييير مقيده منشااااااان الله ساعدوني بليييييز..