سحل البنطلون

زيــــــــاد البطاينــــه - حكومتنا مشغوله اليوم بالمعثرين والمديونين وسعه السجون وتعديل تشريعات وقوانين تعديلات دستوريه واشي تشريعيه واشي قوانين واشي انظمه واشي تعليمات. وإحنا للامانه بدنا تعديل إنساني
بلد بتموت وشعب فى حالة سكوت
وكانها لعبة اتارى من كتر الظلم والظلمة بقول
ياريت ايام الانجليز ترجع تانى... وصرنابنشوف الفاسد يطلع من صالة كبار الزوار وأحنا بنحبس في سجن المطار

علي قرض مش ميسور الحال لصاحبه اللي رايح يغير العتبه بلكي لاقي شغل بره... ويعرض علي البحث الجنائي. ويرجغ تاني

يابلدي انا اللي من صغري أخترتك سكتي أتاريها سكة أحزاني أنا اللي من صغري أخترتك كلمتي ألاقيكي مقيداني
أه يا بلد نفسي
قبل ما أموت الاقي زمانك وزمانى.... بلد بتعاني بكل المعاني بكياني
وانا أملى أحس بكيانى..... نفسي أعيش من غير ما أنافق للمسؤول والوزير الفلاني نفسي أعيش من غير ما أنافق. ولا حتي لابويا اللي رباني
بكرة نتحاسب علي السكوت وعلي العيشة العميانى
شيخ جامعنا الشيخ رامي بيقول
المعارضة حرام وانا نفسى أعرف آية الحلال فى بلد المليون حرامىياشيخ رامي
دوله الرئيس عتبان على الصحافةودولته بطمن الناس على مستقبل اولادهم
وواحد من بعيد بقول عيشني اليوم وموتني بكره
يادولة الرئيس
بنسمع كلام وبنشوف غير اللي بنسمعه بنسمع جعجعه وماتشوف طحين... بنشوف تعيينات ومشتريات وسيارات ومكاتب وعمارات .ومؤسسات مستقله مالي وإداري وماحد فيها داري..
وبنشوف البنك الدولي بعده رايح جاي ونصايحه ووصاياه بتكوي كي .....دولة الرئيس احنا بنحبك ونفذنا وصاياك بالحرف
نفذنا نصايحك ونصايح اللي سبقوك وشدينا الحزام على وسطنا
على امل انها تتعدل زي ماقالو لنا بسنه وثنتين
لكن من كتر شد الحزام على البطن ضمر. وتكسر كل مرة ضلع وضلعين فى كل مرة ترتفع فيها الاسعار الحزام اتقطع والسروال سحل
وماعندنا ثمن حزام غيره
ولاعاد حزام ييجي عالمقاس وماعاد الاردني يطيق عقال الراس وبعدكم بتقولوتحملوا ياناس... مديونيتنا تضاعفت عشرات المرات
و صندوق البنك الدولي. رايح جاي
وبتقولو انه في ضرايب جديدة ومخالفات سير عالغميض وغرامات وارتفاع اسعار وجمارك وغيره وغيرات ماهو كل مااجا الله يسلمه بعطينا وصفه جديدة مش قابله للتغييرات .ومثل وزارتنا ممنوع التعديلات حتى لو الشعب مات
بوعد دولتك من اليوم
لن اقف بصف الشعب المفتري الشعب الظالم والجسم المهتري
انا مع الحكومة التى لا حول لها ولا قوة
لان الحكومة تهمنى اكتر من الشعب الطماع كلنا صرنا معها انا مع الحكومة
اللى لما نصرخ بتسكتنا بوظيفة مستشار ولا بهدية او سفرة مع نوابنا اللي باعونا بغمضة عين وصار الواحد منهم يطلع علينا بنصف عين
وصرنا نسال من وين ومن وين وشو بدل الحال وشو غير الاحوال
نسيو الاهل والناس والخيم والبوس والوعود ونسيو الوطن وتضحيات الجدود والفقرا والغلابى ومثل مانسيو حالهم
لكن شو ذنب اللي مش متعلم والفلاح بارضة والطالب ورا مكتبه والصانع ورا كوره والجائع اللي بلف على اجريه على رزقته اله ولاولاده يادوله الرئيس
انا مع الحكومة
لكن من حبي الها بحذر ها
بحذرها وبقول حذارى... من ثورة الجياع حذارى
من الجيعان لو طلع فى ثورة ومفيش وراه اللى يخسره .
حذارى يا حكومة حذارى
لكل وزير او امين لجنة سياسات وبدافعوا وبحافظو على كراسيهم يادوله الرئيس سمعتهم بقولو
غصة الجوع اقوى من تعذيبات المعتقلات والجوعان ما ي
بفكر بالجيش ولا الشرطة ولا المعتقلات.. لو جاع... الموت
ارحم له من انه يعيش جوعان فى بلده وهو متعود عالنغنعه
واليوم. اولاده تموت قدامه جوع وقهر ومرض على الاقل عمره ما بجوع بعد الموت ساعتها الشرطي والعسكري هم كمان اردنيين
وجيعانين واهلم شقيانين زيهم واكتر ومش راح يضربوا اللى حاله من حالهم بالعكس ممكن يستخدمو قوتهم وسلاحهم ضدكم ومش اول مرة بتحصل بتقول حكومتنا انها بترشد الانفاق
وعامله كنترول عالمؤسسات والاسواق
وانها رح ترشد البنزين بسياراتها وتوقف تجديد الأثاث والمكافآت والسفرات
والكل صدق حكاياتها ياحسرة
فتحه عداد سياراتهم تنكه وبتطلع مفتوحه حتي يرجع البيولوجية تأخر بالحمام ..الماتور مابنام
يعني
بحب اقول لك يادوله الرئيس
جربنا نعمل ترشيد بالبيت
جوعنا الاولاد وجربنا نعمل رقابه على الاسواق والاسعار بس بتظل الاسعار نار حتى بالمختار
الرقابه... يادوله الرئيس بتنصص مع الصيدليات والمحطات. ومع اصحاب المخابزواللجان مش عارفه شو تسوي والفلتان بزداد بالاسواق واصوات الجياع بزداد ....وبكره بقولوا رجع المطر. جاي المطر والبرد وهاي نويتم ترفعوا سعر الكاز وترجعوا الضريبه والبنزين بتحفضوا تعريفه بترفعوا عشره والزهره بليره واللبن ماحد قادر يشتريه والدوا صاروا يوصوا عليه من بره والاطباء رفعت التعرفه الله وكيلك صار بدها واحد يسجل هالرفع ومافي تنزيل غير البنطلون
وبعد حكومتكم بتهدد نا بجرة الغاز الجيعان ياحكومة بركان وقوة وطوفان مش راح تقدروا توقفوا قدامه لو ثار ... هما صبرو بقليلهم ورضيوا لكن قليلهم مش راضى بيهم وبيتأمر عليهم وعلى لقمة عيالهم
احذري ياحكومة
وراجعي حسابتك وشوفي كيف تدفعي رواتب
وتسدي ديون وكيف تستثمري بعوايد الخصخصة
وتطفي الدين و تسدي فم الجائع
فالجوع قالو.... كافر كافرياحكومة
واحدهم قال لو قدرت لقتلت الجوع ..... بس وين الجوع ومين جابه ومين بربيه وبيعلمه وبسمنه ....كثير بجعبتي حكي بس حرام اكون ضحيه احكي باسم الغير اللي لجم ثمه وبمسح بكمه ومافي حد يلمه ... الكل فرحان في زياده ضمان والكل مابعرف انه زيادته السنويه وانشاء الله بوخذها قبل الشتويه ....

---