(بنت عمي )

زاد الاردن الاخباري -

السلام عليكم ,

انا عمري 27 متزوجة و ساكنة بالسعودية من سنتين و عندي ولد و الحمدلله مستقرة بعيشتي و راضية و ما بحياتي قارنت نفسي بحدا او غرت من حدا و لما كنت ببيت اهلي كنت الوحيدة و3 اخوان و كتير كانو يدللوني و الحمدلله وضع بابا كتير مرتاح و كلشي بطلبو بيجيني و زوجي وضعو منيح بس اكيد مش زي وضع دار اهلي و هاد اشي متفهمتو منيح و بنت عمي الي رح اكتبلكم عنها عكسي كانو دار عمي وضعهم متوسط و هلئ زوجها ماشالله كتير غني , مشكلتي بنت عمي من سنة اجت السعودية مع زوجها طلعلو شغل هون و بحكم الغربة ما النا غير بعض و بشوفها دايما , بس بعد ما اختلطت فيها منيح شعرت انها بتقارن وبتغار كتير , مع العلم انها اجمل مني و وضع زوجها كتير احسن من وضع زوجي بس دايما بتحكي اشياء بمعنى انو كلشي الها احسن من اللي عندي بطريقة انو زوجي احلا من زوجك و كيف بتقدري تعيشي بدون شغالة انا زوجي لو اطلب عشرة شغالات بجيبلي و لو انا مكانك ساكنة بشقة بنتحر و من اي اشي بشتريه بتقلل من قيمتو حتى لما زوجي اشترى سيارة جديدة ما خلت عيبة الا حطتها بالسيارة و لو يعطوها اياها ببلاش ما بتركبها و ازا شريت اشي و عجبها ما بتعلق بتروح و بتشتري نفسو و ازا ما عجبها بتسير تحكي بخزي يع شو هاد القرف, صراحة انا تعبت من الوضع صح حكيها ماا بأثر فيي ولا بعلاقتي مع زوجي بس كترة الحكي بتدايقني لاني مو مضطرة اضيع بوقتي و اسمع حكي فاضي خصوصا اني ما بحب ارد عليها لانو رح تفكرني انقهرت او هي فعلا خلتني اغار مو عارفة كيف اتصرف معاها لاني بعتبرها سفيهة و ما بحب اجادلها و لما اخفف حكي معاها بتسير تيجي و تتصل فيي اكتر لانو شغلها الشاغل بالحياة تكون متفوقة علي بكلشي تخيلو حتى مرة عالفيس بوك حطيت صورة لابني اجت عليها تعليقات كتير اتصلت فيي و بتحكيلي على فكرة صح ابنك كتير علقو عليه بس انا ابني احلى و انغش منو بكتير , و برمضان عزمناها هي و زوجها حكالي زوجها يسلمو عالاكل كتير زاكي بدو يجامل بحكم انو عازمينهم راحت هي اتكهربت و صارت تحكي لا الاكل كتير ناقصو ملح و انا بعملو كتير ازكى منها !! يعني حتى يسلمو ما حكتلي , احيانا بحزن عليها لانو حاصرة تفكيرها بزاوية انها تكون احسن من الكل بكلشي و انا اللي مو قادرة افهمو انو كيف هية بتغار مني مع انو هي عنجد وضعها احسن مني بكتير و ازا حدا لازم يغار بالمنطق هو انا !!!! عمركم مر عليكم هيك حالة ؟ مو قادرة افهمها ؟