عصام شكري يكشف سبب غيابه 14 عاما.. ويدافع عن أشرف زكي

عصام شكري يكشف سبب غيابه 14 عاما .. ويدافع عن أشرف زكي

زاد الاردن الاخباري -

دافع الفنان المصري عصام شكري عن الدكتور أشرف زكي، نقيب المهن التمثيلية، رغم غيابه عن الساحة الفنية وعدم عرض أعمال عليه منذ 14 عاما.

وقال شكري، خلال لقائه في برنامج "المنسي" عبر شاشة قناة "هي": "أنا مؤمن أن النقابة مش شغلتها تجيب شغل للفنانين، هي معمولة للحفاظ على حقوق الفنانين".

وأثنى الفنان المصري على مجهود النقيب في الوقوف بجانب أعضاء النقابة، قائلا: "حاجات كتير بيعملها الدكتور أشرف زكي، زي العلاج ودار المسنين، وهو حد مجتهد جدًا في الموضوع ده، وكان عامل اجتماع مع أصحاب مكاتب الكاستينج وكان مستاء أنهم بيجيبوا ناس من خريجي معهد السينما أو طلاب، وقال الناس دي لازم تشتغل حتى قانونًا"، في إشارة إلى الفنانين الذين اختفوا عن الساحة.

وعن سبب غيابه 14 عاما عن الساحة الفنية، أكد أنه لا يعلم السبب فعليا، وحكى: "اعتذرت عن حاجات كتير الفترة اللي فاتت بسبب أن كان بيبقى مكتوب بس 5 حلقات من المسلسل، وأنا متعود إني بقرأ المسلسل كله قبل ما أدخل، فأنا مش عارف هل رمضان بيجي فجأة؟ ما نكتب بدري ونبقى جاهزين".

واستكمل: "أنا مش قادر أعرف السبب الحقيقي لاختفائي، لكن ممكن بسبب أن الورق مش جاهز، وكان في أعمال بتتعرض عليا كانت دون المستوى".

وتابع: "كما أنا اتعودت أني مشتغلش الحاجة إلا لما أكون حاسسها أوي، ومش مفترض أن كل الأعمال تكون كويسة أو هايلة، لكن في هدف عايزين نحققه، وكان في أعمال كتير كان نفسي أنا اللي أعملها".

ورأى شكري أنه من "أكثر الناس حظًا كونه عمل مع فنانين كبار في هذا الزمن"، موضحا: "كانوا بيعلمونا بشكل غير مباشر، واللي موجود دلوقتي لازم يحصل هذا الدمج لأني مش هعمل طول عمري الولد الصغير الرومانسي والشقي، أنا بكبر في السن وهيجيلي أدوار تانية تتناسب مع شكلي وسني".

عن علاقته بزملائه في الوسط الفني، قال: "علاقاتي بالناس كويسة جدًا، وإحنا ممكن نقعد 10 سنين منشوفش بعض، ويكفيني لما نتقابل نتقابل بشكل طيب، لأن المهنة متعبة ومرهقة جدًا، وأنا مبحبش تبقى العلاقات شغل وبس، العلاقات الإنسانية عندي في الدرجة الأولى، وأنا على تواصل بفنانين كتير دلوقتي".

وكشف عصام شكري عن رأيه في اقتحام "البلوجرز" مجال التمثيل، قائلا: "مش ضد الموهبة، لو موهوب أهلًا وسهلًا بيه، لو مش موهوب مش هينفع، والناس بقى عندها وعي مين اللي بتشوفه وهل موهوب ولا لأ".

---