هل أنا على الطريق الصحيح أم دمرت حياتي؟؟

زاد الاردن الاخباري -

السلام عليكم ،،،
 
انا عمري 24 سنة متزوجه من اربع سنوات وعندي طفله منذ بداية زواجي اكتشفت بان زوجي يخونني ولا زال على علاقة مع موظفة معه في نفس العمل الا ان اصبح هناك مشكله بيني وبينه بسبب الموضوع نفسه  وعلى إثرها تركها في ذلك الوقت الا انها استمرت في ملاحقته وهو لم يعرف ماذا يفعل حيث انها معه في نفس العمل الا انها في النهاية قامت وبعد ان حست بأنه ما في فايده من زوجي وانه تركها الا انها قامت بالشكوى عليه انه على علاقة حميمه معها وانها تركته وبعد ذلك اصبح يتحرش بها ويهددها بإفتضاح امرها وبعدها تم ايقافه في المخفر وبعدها تم تكفيله ومن ثم اعادت الشكوى عليه بأنه يلاحقها وانها تخاف منه الا انه شكت عليه عند المحافظ  وتم ايقافه بالسجن الا انها في الاخر وبعد دخول الواسطات في الموضوع لانهاء الخلاف قامت بطلب مبلغ مالي للتنازل عن قضيتها وبعدها انتهت المشكله معها ولكن بدأت مشاكلي انا مع زوجي حيث كان من الصعب علي تصديق ذلك كله وان زوجي برئ فبقيت لا اسمع كلامه ولا اثق فيه ولا ارغب بالعيش معه او حتى الانجاب منه مره اخرى ومع كل هذا زادت مشاكلنا وكنت احرد عند اهلي بالاشهر وارجع يعني ومره حدث انه طلقني بناء على طلبي منه ولكن ارجعني وبعد ذلك اي قبل سنه ونصف احردت من البيت وانا طلبت ذلك حيث كنت اتقصد عمل المشاكل معه وان لا اطيعه حيث انني بعد مشاكله لم اعد احتمله بالرغم من انه كان يحاول معي في نسيان ما حدث وقمنا بالرحيل من منزلنا ويعني بس انا ما كنت قادره اتحمل اللي صار وفي اخر حرده اللي قبل سنه ونص قعدت تقريبا شهرين عند اهلي وبدون اي محاوله منه لارجاعي وانا كنت ما بدي ارجع وبعد فتره اسمعت انه فضى البيت وسلمه وباع العفش ومافي شهر الا وسافر بعدها على السعوديه ومن يومها ما شفته ولا شافني بس حاول مره ابوي يرجعني اله وصار اني ارجعت احكي معه وهوه يحكي معي بس بقيت الامور زي ما هيه اعاكسه بكل شي واذا بحكيله حاضر بروح بسوي العكس لا اراديا يعني حاولت مره ثانيه بس ما في تغيير دامت الفتره تقريبا اربع شهور نحكي مع بعض بعدها حكيتله انه انزل اشوفك وبتشوف بنتك قلي ماشي بس اسالي ابوكي شو رايه في الموضوع ؟؟

 رديت عليه انه ابوي مش موافق انه لما تنزل اروح عندك وهون كانت المفاجئه بالنسبه اله  فما تحمل هوه وبسرعه حكالي انه انا لمتى بدي اضل تحت رحمة ابوكي وحردك الكثير وحكالي بدك اياني هي انا في السعوديه بتعرفيها بتيجي اهلا وسهلا ما بتيجي كمان اهلا وسهلا وانا راح اتزوج من يومها بطلت احكي معه ولا هوه رجع حكى معي بس حكى مع ابوي وحكاله نفس الحكي وانا بعدي هيك صبرت شوي ورحت رفعت عليه نفقه الي ولبنتي وفي المقابل هوه رفع قضيه تفريق للشقاق والنزاع ومشاهده لبنته ما بعرف شو اعمل كتير كرهانه الدنيا وكرهانه حالي والمشاكل ما بتخلص وكل يوم قصه في الموضوع ومنعته ومنعت اهله من انه يشوفوا البنت وهمه شكوا علي وفي تعميم علي حتى يشوفوا البنت وما بعرف شو اعمل في الموضوع ومن جديد سافروا اهله عنده على السعوديه عشان يتزوج وشكله خلص نسيني ونسي بنته كمان .... ما بعرف اللي سويته صح ولا لأ ........ وحياته هوه ماشيه وانا حياتي اللي وقفت بكره بتزوج وبخلف وبعيش حياه ثانيه وببعد عن كل الماضي الحل عنده اسهل من عندي وبفكر بحالي بلاقيها صعبه علي ..... شو اعمل ما بعرف ؟؟؟؟ اللي سويته كان صح ؟؟ وكان غصب عني مش بعقلي ... اشكركم مقدما على ارائكم