تحملــــــــــــــــــوني

الكاتب الصحفي زياد البطاينة - ياناس بلدنا ديمقراطي... واحنا اللي ارضعنا الديمقراطيه من الصغر فهمونا انها .... حريه راي واختيار وكلمه حره ... ونغلب فيها العام عالخاص ونتق الله بالوطن والامه وسلكناها ومارسناها من هيك صارت بلدنا يشار لها بالبنان وصرنا نتباهى فيها امام الجيران ...جنه الدنيا وبلد الانبياء ومحط الرسل ...مباركه يابلدي ياقلعه الامن والامانيامناره الاشعاع والعلم والعطاء وبيت المستجير والمستليذ .... لهيك عندي شويه حكي بدي ابقهن لانهن خنقني

أه…. يا بلد نفسي قبل ما أموت الاقي زمانك وزمانى….
مسكينه بلد بتعاني بكل المعاني بكياني.... وانا أملى اني أحس بكيانى…
. نفسي أعيش من غير ما أنافق لفلان الفلاني …وامسح الجوخ للرايح والجاي
نفسي أعيش من غير ما أنافق ولا حتي لا بوي اللي رباني …
..علي السكوت وعلي العيشة,
شيخ جامعنا جامع الحمد باربد الشيخ رامي بخطبته امبارح قال
المعارضة حرام وانااللي بقول ….
هل اللي بطالب بحقه حرام؟؟ ياشيخ
نفسى أعرف شو هو الحلال ياشيخ رامي فى بلد الالف حرامي
وشله من المستوزرين و نواب سياسيين حزبيين والطعم ا للي بشدهم هو التغيير او التعديل الوزاريوكنت خايف يصير تعديل مش تغيير ... لانه شو بده يعدل تايعدل …. والثمانية ملياردينار صاوا خمسين مليار او اكثر والوظايف تضاعفت بالرغم من حرمان الالاف من امتحاان الثانوية والاسعار نار يامختار والله وكيل وصلت القاع
والفساد سكن بمؤسساتنا وعشش
وتذكرت قصة حكاها واحد قال انه واحد من بلدنا زار طبريا ولما اجا يرجع راى ان يشتري سمك فذهب للسوق وبدا يقلب السمك مما ازعج صاحبه فقال له يارجل السمك بنعرف من خياشيمه ورديه من اسنانه عاجيه عيونهبتعرفه من الراس ياعمي فقال له انا بعرف بس بدي اشوف الخراب وصل الذيل …..

مابعرف ليش الكبار مابفكروا مثل الصغار بهالوقت هل ياترى العقول بتختلف ولا لانهم شبعانين ولا... لانهم قرفانين…. ختيروا وهرهروا وماعاد تقدر ادمغتهم تشتغل او مابعرفوا شو في بالشارع وصيتهن ذايع ..وكانهم لاذاقو المر ولاعرفوا الجوع والقهر والبرد والمرض واليتم
,ومابعرفوا ولا بدهم يعرفوا شو في بالشارع ولاذاقو المر ولاعرفوا الجوع والقهر والبرد والمرض واليتم
…..كل شي صاربهالدنيا بالتوريث ابن الحراث حراث …وابن السفير سفير… وابن الوزير وزير … والفقير بظل فقير وكل ماقدروا دعسوه …… توزيرهم وراثه ووظائفهم وراثه مثل مزارعهم بناياتهم واراضيهم واللي مش عاجبه يطق راسه بالحيط او زي ماقالوا يبلط البحر ..تانبلط بيوتنا بالاول
.صحيح الكبير بظل كبير مهما علي بظل يحن لاصله ... اما الصغير لازم يظل صغير ….ولا مين بدهم يحكموا وعلى مين يشوفوا حالهم على مين بدهم يعلقوا اخطائهم ومثالبهم وعوراتهم على مشجب... واحنا المشجب وزراء كيف بلتموا وكيف بتعارفوا وكيف بتجانسوا مابنعرف ...حتى فريق كره القدم اذا مش متجانس ومتفاهم النتيجه بتكون سلبيه .....وزارة رايحة ووزاره جايه..... وكلها خبرا وعارفين بكل الامور ولما بتفشل خططهم وبنكشفوا بلاقوا شماعه وبطردو لهم ثلاثة وبجيبوا اربعه والحال على حاله بس للاسف التغيير يكون بالسياسات بالبرامج مش بالشخوص
كراسي ….. رايحة وشةف صارت تمثل الحال دوارة بتدور وحكومه جايه …طرابيش وطواقي بتتنقل من راس لراس وبظل ثلاث اربع كراسي مالقوا لهن حد... ودولاب الحظ بيدور وعلى راس مين الله وحده يعلم ويمكن يكونوا منذوي الحظ السعيد الحظ اللي مرتبط واللي بتعامل واللي بشتغل هون ولا هون
ومن حظ حاملي الجنسيات المختلفة او اصحاب المزارع او الكروش المتدليه او الصفقات ومن المتعهدين والدكاترة المعالجين ماحد داري عن قرعه بيهم من وين…. وكيف بنزلوا علينا وبنصير نفتش عن سيرهم الذاتيه وتعظيم احترام …. لابنعرف اسرارهم ولا من وين اجو ولاوين رايحين
والله العظيم احنا بنحب بلدنا .....بنحب حكوماتنا..... بنحب الجيران.... واحنا الانصار... بلدنا مفتوح بلدنا مشرعات ابوابه لكن …….مش على حساب لقمه اولادنا ودوا اولادنا…… وميات شرب اولادنا…. ولا على حساب جوعنا وقهرنا ……كلها بتقول مدفوع ثمنه…. ملعون هالثمن اللي ماشفنا منه شي واحنا بعدنا بنسدد فواتير الراشي والمرتشي والمختلس والفاسد... وبقولوا في محاسبه بس دفاترها يتنضب بالدروج وعتبك عاللي عرف شو القصه
احنا مع حكومتنا وبنحبهم.... بس لايختبروا صبرنا ين صابر الاردنيين بعدهم صامدين ….. ولا يراهنوا على صبرنا عندنا انتماء عندنا ولاء ..عندنا تسامح عندنا كرم وطيبه وشجاعه ونزاهه وخلق ...هاي راس مالنا وما بنسمح لحد يمسهن خاصة الكرامه...ياحسره
ياحكومه ....الجوع كافروالله كافر وبنطق الاخرس ...الجيعان بتحول فيه الارنب لاسد..... والجيعان بركان وقوة وطوفان مش راح تقدروا توقفوا قدامه لو ثار
هم صبرو بقليلهم ورضيوا لكن قليلهم مش راضى بيهم ,,وبيتأمر عليهم.... وزرا ونواب وتجار ضمائر وتجار مواد غذائيه ونفط وضرايب ورفع دعم وخراب بيوت ومستقبل كله على هالغلابى وعلى لقمة عيالهم و اللي رضيوا بالبين واليبين مارضي فيهم
من هون بقول لحكومتنا خلص بكفي انتبهوا ...حذارى من ثورة الجياع....
حذارى من الجيعان لو طلع فى ثورة ومفيش وراه اللى يخسره….. نواب وزرا سياسيين احزاب شخصيات تجار كلمه….. تجار ضمائر باعو واشتروا بينا ومستعدين يموتوا دفاع عن كراسيهم … كم نيرون ونيرون بيهم احرق الدنيا وبقعد على عزايم الفقرا وبضحك وبمد رجليه ومش داري بهم الغلابى باعو واشتروا بينا
بدافعواوبناضلوا حتى ويحافظو على كراسيهم
واشتروا فينا وخلونا سلالم.. طلعوا عليها وتفوا على اللي تحت.....ياهل الله يلي فوق بصوا عاللي تحت
سمعتهم بقولو... غصة الجوع اقوى من تعذيبات المعتقلات والجوعان ما يفكر بالجيش ولا بالشرطة واالدرك و المعتقلات لو جاع الموت ارحم له من انه يعيش جوعان فى بلده واولاده تموت قدامه جوع وقهر ومرض على الاقل عمره ما بجوع….. ساعتها الشرطي والعسكري هم كمان اردنيين وجيعانين واهلهم شقيانين زيهم واكتر ومش راح يضربوا اللى حاله مثل حالهم واضرط شويه
حكومتنا نازله تعيين كبار وصغار….والتعيين بصدر قبل الامتحان ... والحكومه تصدر فرمانات برفع الاسعار والضرائب والسطو على اخر قرش بجيبه الانسان الاردني…… نسيت انها امام مسؤوليات وامانه وقسم وواجب وان عقول زلمها لازم تحك وتفكر... كيف بكون الحل ومن وين تجيب تسدد فواتير الفساد ورواتب واجور العباد …لانهم لهالواجب جايين..
. وزادت الطين بله قروض ومساعدات وخصخصة وانفاق غير مبرر والحل موجود
……عصــــــــــر الانسان…… وشد الحزام….. وتمزيق جيبه.. بس للاسف..... ماعادت جيب ولا عاد انسان ….بقايا انسان….. الحكومة مش مصدقه لانه بعض نوابنا بلموا لمه وبعزموا الكبير على مائده وبحددوا مين يحكي ويشرح عن الحال وياويله ان خرج عن السطر المرسوم وقال...غير انه يقول حالها عال العال و انساننا مليان…….لاتصدقوهم... طول حياتهم بشكو الحال
ونسيوا انه جاي العيد وانه في عيديه ايتام وفقرا ونسيوا الفطر و الاضحى... وماتركولنا حتى رغيق الخبز لحقونا عليه
وسمعتهم بقولوا بقولوا انه بدهم يعطونا بطاقه ونصطف عالدور ونوخذ ثلاث ارغفه بالكوبون نسكت فيها جوع الاطفال والله اعلم متى ياتي الدور لاخذ الرغيف اللي هددونا فيه وهاي حجه الغلبان ماظل عندهم غير رغيف الخبز خذوه …..الكلاب شبعانيته….
شخوص بتغييروالمفروض برامج.... بقولوا تعديل وتغيير وتسميه خانات جديدة والاهم مطلوب تغيير السياسات
بدنا تعديل إنساني ……
بلد بتموت وشعب فى حالة سكوت.. وكانها لعبة اتارى من كتر الظلم والظلمة بقول ياريت الماضي يرجع تاني
ياريت مانشوف الفاسد بطلع من صاله كبار الزوار والشريف برموه بنظارة المطار
على قيمه شيك منسي او غرامه طابع من سنين قبل مايسافر الشب ويرجع للبلد شايب
بحجزوه تايدفع ...واهله بنتظروه .... ومابنعرف حتى الرسوم الرائب المي اااااا بس مابنعرف من وين هالمديونيه بتسمن
يابلدي انا اللي من صغري أخترتك جنتي وفراشي وغطاي
ارجعت الك لقيتك مقبره اللي ولاولادي أنا اللي من صغري أخترتك كلمتي ألاقيكي مقيداني
الشئ اللي تغير فيك انك صرت تضاهي اليابان بالغلا وارتفاع المعيشة بس على بلاطه
ياحكوماتنا…..
صدقوني مثل مابتنفذوا اوامر البنك الدولي احنا بنفذ اوامركم حرفيا ومصدقينكو بس
بنسمع كلامكم وبنشوف اعمالكم ضدان لايتفقان …
.وبعد البنك الدولي رايج جاي... ذل الشعب وبمجد بالحكومة اللي بتنفذ اوامره بالحرف ……
جوعتونا وعطشتونا وقرفتونا عيشتنا وشو اكثر يوم كهربا ويوم نفط ويوم غاز ويوم خبز ويوم ضرائب ويوم ويوم ونفذنا وصاياك ياحكومة بالحرف الواحد وعالعمياني الله وكيل نفذنا نصايحك
وماعدنا نعرف نوابنا الكل قاعد ومرخي …
ولما مايلاقي حصته من الكعكه راح يرجع ويثور ويصير ثوري ويطالب بالتغيير

وبعدكم بتقولو مديونيتنا وصندوق البنك الدولي رايح وجاي وبتقولو انه في ضرايب جديدة ومخالفات سير عالغميض وهون رادار وهون كاميرا بتصور حتى اللي بحك تذنه وبتتهمه بحمل تلفون ... وهون شرطي سير وغرامات وارتفاع اسعار وجمارك وغيره وغيرات ماهو كل مااجا الله يسلمه بقول بعد بكير ومطالبنا لازم تتنفذ وبعطينا روشيته جديده قبل ما تنتهي اللي قبلها
بعطينا وصفه جديدة مش قابله للتغييرات حتى لو الشعب مات
ياريت حكوماتنا شفافة وصادقه معنا لانا شركاها بالمغرن مش بس بالمغنم وقد
روجت للكثير من القصص والقضايا التي لم تنطلي على المواطن
حتى هدمت جسور الثقة... وفقدت المصداقية بين اطراف المعادله……..
. فعادت حكوماتنا لجرد الموازنه ومعرفه حجم الديون وفوائدها وبالمقابل ازداد الانفاق بل... الهدر والمخالفات والفساد اتسعت رقعته و تراجع التصدير وزادت نسبة الاستيراد وهرب الاستثمار محليا واجنبيا بعد الاستفاده من الفرص الممنوحة مثلما كان التهرب الضريبي ورحيل الراسمال العربى والمحلي وحتى الاجنبي……

والسؤال الاكبر الا تفهم حكومتنا ان البنك الدولي …….
.هو عدو الشعوب لكنه ليس الوحيد المسؤول عن انعدام الرؤيا الاقتصادية الوطنية وغياب الشفافية والديمقراطيه المهزومة مثلما هي سياسات عباقرة الاقتصاد اللي بتساعده بتنفيذ خططه
نعم الشعب.... مستني اليوم من جديد تعديل تغييرمستني حكومات قلبها مع المواطن مش عليه... وزراء جداد مش كانوا امبارح سبب البلاء وكانت التهم تكال لها ...مستني نواب تعرف مهمتها تشريع ورقابه مش تعيينات عحساب الغلابى ورحلات ومكافات بدنا نواب تريح المواطن وتوفي بوعودها اله ...
سامحوني ....

---