ماذا افعل؟؟

زاد الاردن الاخباري -

مرحبا للجميع انا متابعة لجوردان زاد وكنت كتير بحاول اتجنب ابعت قصتي بلانها طويلةس ما قدرت اتحمل لاني جد بحاجة مساعدة انا امراة عمري35 سنة بدات قصتي منذ كان عمري 12 سنة بعد طلاق امي وابي بسبع سنوات حيث تركتني امي انا واخي عند والدي الذي كان يسكر ويلعب القمار وغيره الي انتو عارفينه يوم من الايام روح والدي"الله يسامحه"مغلوب وكان حينجن ضرب اخوي اللي اكبر مني بسنتين وطرده من البيت انا خفت وتخبيت بالحمام وضل يعمل تلفونات ويصرخ ومعصب وبعد ربع ساعة اجو شلته عالبيت واجالي عالحمام حاكاني بطريقة غريبة كتير اول مرة بحكي فيها "حبيبتي بابا لا تخافي منك انا مين الي غيرك روحي على غرفتك ونامي" انا انبسطت ورحت نمت وفجاة سمعت ضحك وواحد دخل علي الغرفة بالاخر بس كبرت ووعيت فهمت انه والدي باعني بلعبة قمار ومرت الايام وضل والدي على هاد الحال ازا كسب بكسب مصاري وازا خسر بخسر شرف بنته كنت صغيرة ومو واعية عهاد الكلام بعد 5 سنين وانا هيك تعرفت عبنت بتشتغل بمحل السم الهاري الي كنت اشتريلهم اياه غصب عني طبعا سالتني شو قصتي قلتلها حكتلي اتركيه وتعالي عندي لا تخافي ما حيسال عنك فكرت بالموضوع وبعد شهر رحتلها ويا ريتني ما رحت ضلت معي منيحة لفترة 6 شهور بعدين صارت تحكيلي انه المصاريف زادت علي وانا ما بقدر اصرف هيك لازم تشتغلي ودلتني عشغل مو مزبوط اضطريت عليه وفجاة لقيت حالي سوري عهالتعبير(بائعة هوى) ومرت الايام وعن طريق شغلي اعجب فيي رجل اعمال كبير بالسن وانا جميلة جدا وعرض علي الزواج انا حسبتها انه خلص اجتني الفرصة حتى الله يهديني ويستر علي ولازم ما اضيعها ولازم ابدا حياة جديدة وافقت عليه كان عمري 23 سنة وتزوجنا اول حياتنا عشناها بسعادة بعدين صرت اطلب منه ولد لاني جد كنت حابة الاستقرار بحياتي يحكيلي تروحي تجيبيلي بنت تطلع زييك؟؟؟كنت كتير اتدايق وبعد زوجنا ب3 سنوات اكتشفت انه لا متجوزني ولا بطيخ كان عامل علي فلم تركته وهربت من عنده وما عرفت شو اعمل رجعت لنفس شغلي وكنت كل يوم ابكي عحالي مليون مرة عالحالة الي انا وصلتلها وبعدين تعرفت عشب اكبر مني ب3 سنين كان عمره 30 سنه امه امريكية وهو عايش عند ابوه كان ينام معي بالسيارة بدون ما يلمسني قد ما كان يحبني ودبرلي شغل عاملة نضافة بمستشفى شغلة شريفة وضلينا عهاد الحال سنتين بعدها هو سافر عند امه وقلي حيرجع واختفى ورجع والدي يلاحقني ويرجعني عالبيت يا بالكلام الحلو يا بالغصب والشكوى عند الشرطة وانا ماكنت احكي الحقيقة حتى ما اشوه صورة والدي وبعد سنة من ما رجعت رجعني لشغلتي القديمة حتى اجيبله مصاري باي طريقة المهم يلعب قمار انا طولت عليكم بس بدي حل شو اعمل... وشكرا