اعرف حظك ومستقبلك مع التلاوي

• أذا كنت من العاملين بالقطاع الخاص وبداوم 12 ساعه, فأنت يا صديقي في كفاح مستمر لتحصل من المزيد من اجر الساعات الاضافيه لتحسن وضع راتبك و الله اعلم تاخدهم او لاء وممكن تتسامح في الضمان ومايكون عندك تامين طبي .

• اذا كنت موظف حكومي او تابع لدائره حكوميه فأنت يا عزيزي راتبك ثابت مهما طلعت او نزلت أو اشتغلت لتعب حالك كتير لاانك مكانك سر برمج حاجاتك الشهريه و مشترياتك وكيفها على قد راتبك انت بس كسبان ضمانك وتامينك الصحي و سيطك انك موظف حكومي .

• اذا كنت طالب جامعي فأنت من أصحاب الحظ المتدني ما بيجي وقت تخرجك ويفرحو اهلك فيك راح تتعب رجليك وانتا بدور على شغل وراح تتفاجأ الكل بقلك منا خبره حبيبي او يصادفك منشغلك وخد بشهادتك الجامعيه كل شهر 150 دينار يا فرحتك في تعبك على شهادتك . هاجر احسن.

• اذا كنت من ابناء حيتان السوق و المستثمرين فأنت يا عزيز ابتسم لا تفرق عندك ضرايب ولا شي سيارتك موجوده واكيد مش راح تكون كيا سيفيا اقلها ممكن لاندكروزر وبنزينها متوفر معك وموبايلك جيل خامس ولاب توب اخر موديل ومشترياتك و ملابسك راح تكون من المولات و احلا الماركات ابتسم مره اخرى انت محظوط.

• اذا كنت مسؤول ومن اصحاب المراكز المهمه ومتخذين القرار فأنت انسان الكل واقف على بابك بدو رضاك و واسطك لتمشي امور حياتهم وكلمتك مسموعه وما بتسير تنتين وبتكون واجهة لعشيرتك وممثلها و كبيرهم ابتسم ممكن تسير من اصحاب المناصب الاعلا من منصبك الحالي والله اعلم وممكن يطلعلك صفقه حلوه من ورا قعده منصبك .

• اذا كنت عاطل عن العمل فانت يا عزيزي انسان يائس تبحث على مين يعطيك مفتاح امل لتشق طريق حياتك ,يا بتزبط يا ما بتزبط وممكن تسير من اصحاب السوابق و التعاطي و من مستمعين حسن الاسمر كتاب حياتي يا عين , الله يفرجها عليك ويسر حالك قول امين.

• اذا كنت من اصحاب المشاريع الصغيره و اصحاب الحرف فأنت يا عزيز الضرايب و التراخيص قاسمه ضهرك نصفين, واصحاب المشاريع الكبيره بخافو منك تكبر و تنافسهم بضلو مدايقين عليك و الك رب كريم برضو , وكل ما الديك يصيح كوكو بتكون صاحي و رزقتك على الله .

 

 

وبكفي لحد هون وما تحكولي كذب المنجمون ولو صدقو , لاانه يا اعزائي هاد امر واقع وعايشينه وحياه ماشيه هيك.

هاد هو حالنا و روتين حياتنا اليومي و شجره المجتمع لدينا تعودنا على خط حياه معين الي عايش عايش و الي تحت التراب تحت التراب اشي بشكي من الضرايب واشي ما بشكي اشي بشكي من الغلا واشي ما بشكي . اشي بحقق نجاح ساحق للسما واشي ما بحقق اشي

مش انا الي بحكي الحظ الي بحكي .

ما تشوفو شر , و يسر اموركم قولو امين

تحياتي

حسن التلاوي

darkshwo@hotmail.it