السبب انا ..

زاد الاردن الاخباري -

مشكلتي اني تزوجت منذ 3 سنين وعندي ولد الله يخليه يارب,,المشكلة فيه انا انا قبل ما اتزوج كنت احب وحدة كتير وكانت تحبني وامي ما رضيت تزوجني اياها وزوجتني بنت اخوها بصراحة ما في امراة بالدنيا متلها خلوقة ومؤدبة جدا ونظيفة وام رائعة وزرجة مثالية طيوبة جدا ما بتزعل الا لشديد القوي وبتتحمل كتير,,بكفي انها متحمليتني المشكلة اني بحترمها وبحبها كزوجة مش حب ودائما تفكيري بحبيبتي السابقة حاولت كتير انساها بس مش قادر بحاول اشغل حالي باشياء كتير بس دايما ببالي مش عارف شو اعمل زوجتي ما بتستاهل هاد الاشي واني اخونها لانها بجد انسانة رائعة بس انا وقلبي وعقلي مو الها ..

والله حرام تعيش معي هي بتستاهل احسن مني بكتير شو الحل ما في اي سبب اني انفصل وانا ما بدي اتركها هاي ام ابني الي بتمنى اي واحد تكون عندو مرة متلها بس انا مش قادر صارلي 3 سنين بضحك ع حالي وعليها ليش هيك بصير ما بعرف ساعدوني هل المشكلة كبيرة ولا انا مكبرها زيادة عن اللزوم..شو اعمل لانسى هديك واحب مرتي زي ما بتحبني ....